Nepal's No.1 Filmy Web Magazine
‘हली’ भन्नासाथ धेरैले कृषक सम्झन्छन् । किनकि, यो कृषि पेशामा आबद्ध व्यक्तिलाई भनिने शब्द हो । अब यही नाममा नेपाली फिल्म निर्माण भएको छ, जुन आगामी साउन २२ गतेबाट प्रदर्शनमा आउँदैछ । यो नामले फिल्मको कथा कृषकमा आधारित रहेको स्पष्ट संकेत गर्छ । यसैले यो फिल्मको खास लक्षित दर्शक खेती-किसानी गर्ने व्यक्ति हुन् ।
गत बैशाख र जेठमा नेपाली फिल्म रिलिजको चाप उच्च रह्यो । यो दुई महिनामा मात्र एक दर्जन हाराहारी फिल्म रिलिज भए । त्यसमध्ये व्यावसायिक सफलता भने ‘लालीबजार’ले मात्र हासिल गर्यो । तर, अब यो फिल्मले पनि बक्स अफिसमा दम तोडेको छ । यसैले भोलि शुक्रबारबाट देशभरका सम्पूर्ण हलबाट फिल्म उत्रिँदैछ ।
संगीतकार तथा गायक टंक बुढाथोकीको निर्देशनमा बन्न लागेको नयाँ फिल्म ‘मन बिनाको धन २’मा कलाकारको लाइनअप बलियो बनेको छ । पूजा शर्मा, महेश त्रिपाठी, सरोज खनाल, किरण केसी अनुबन्धित भइसकेको यस फिल्ममा अब अभिनेता विपिन कार्कीको प्रवेश भएको छ । मंगलबार उनीसँग निर्देशक बुढाथोकीले लिखित सम्झौता गरेका हुन् ।
नेपाली फिल्म क्षेत्रको सर्वोच्च संस्था चलचित्र विकास बोर्डले गत वर्ष २५औं वार्षिकोत्सव मनाउँदै गर्दा सोही अवधिसम्म बक्स अफिसमा ७ करोडमाथि व्यापार गर्ने २५ फिल्मलाई सम्मान गरेको थियो । जसमा ‘पूर्णबहादुरको सारङ्गी’देखि ‘पशुपतिप्रसाद २ : भष्मे डन’सम्म परेका थिए । यो सूचीमा सबैभन्दा धेरै फिल्म दीपकराज गिरी समूहको थियो ।
निर्माणको तयारीमा रहेको फिल्म ‘कंगाल करोडपति’मा मुख्य अभिनेत्रीको टुंगो लागेको छ । मंगलबार निर्माता कम्पनी सिनेमा पाठशालाले सलिना तामाङलाई फिल्ममा अनुबन्धित गरेको जनाएको छ । सलिनाले यही फिल्मबाट अभिनेत्रीको रुपमा डेब्यू गर्दैछिन् । फिल्ममा उनको जोडी अभिनेता मुकुन भुसालसँग बाँधिनेछ ।
कुनै बेला निर्देशक सुदर्शन थापा र अभिनेत्री पूजा शर्माबीचको सहकार्य उदाहरणीय मानिन्थ्यो । सुदर्शनका हरेक फिल्ममा पूजा नै मुख्य अभिनेत्रीका रूपमा देखिन्थिन् । पूजाले पनि सुदर्शन निर्देशक भएका फिल्म मात्र खेल्थिन् । दुवैले मिलेर केही फिल्म निर्माण पनि गरे । तर, दुई वर्षअघि प्रदर्शनमा आएको फिल्म ‘रावायण’ले उनीहरूको सम्बन्ध नै ध्वस्त बनायो ।
