Nepal's No.1 Filmy Web Magazine
नयाँ वर्षको दिन पारेर फिल्म ‘यो मन त मेरो नेपाली हो’को फर्स्टलुक पोस्टर सार्वजनिक गरिएको छ । नेपालको झन्डा र शान्तिको प्रतिक मानिने सेतो परेवालाई पृष्ठभूमिमा राखेर तयार पारिएको पोस्टरमा पात्रहरुको मनोभाव दर्शाइएको छ । कलाकारहरु बुद्धि तामाङ, विल्सन विक्रम राई र विजय बराल गम्भीर भावमा चित्रित छन् भने रोशन श्रेष्ठ र आयुषा समाल अंगालोमा देखिएका छन् ।
आगामी बैशाख २८ गतेदेखि प्रदर्शनमा आउन लागेको सुरज सुनुवारद्वारा निर्देशित फिल्म ‘खजुरे ब्रो’को टिजर सार्वजनिक गरिएको छ । १ मिनेट ३८ सेकेण्ड लम्बाईको टिजरले मनमौजी जीवन बाँचिरहेको खजुरे पात्र (रेयर राई)लाई पछ्याएको छ । उसको प्रेम, मित्रता र संघर्षलाई टिजरमा रोचक शैलीमा देखाइएको छ । अभिनेत्री नीति शाह रेयरको ‘लभ इन्ट्रेस्ट’को भूमिकामा प्रस्तुत छिन् ।
आगामी जेठ १० गते (बुद्ध जयन्ती)बाट प्रदर्शनमा आउने तयारीमा रहेको फिल्म ‘पूजार सार्की’को टिजर सार्वजनिक गरिएको छ । नयाँ वर्ष (२०८१)को अवसर पारेर शुक्रबार युट्युबमा सार्वजनिक टिजरमा फिल्मका तीन अभिनेताहरु आर्यन सिग्देल, प्रदीप खड्का र पल शाहसहित दुई अभिनेत्रीहरु अञ्जना बराइली र परीक्षा लिम्बूको चरित्रचित्रण गरिएको छ ।
कोरियोग्राफरको रुपमा परिचित प्रशान्त तामाङको निर्देशनमा फिल्म ‘सारंग’ निर्माण हुने भएको छ । बिहीबार काठमाडौंमा एक कार्यक्रमबीच फिल्मको घोषणा गर्दै विषयवस्तु र कलाकारको बारेमा जानकारी गराइयो । बाल मनोविज्ञान, बालअधिकार तथा धनी र गरिब परिवारबीचको खाड्लको कथामा बन्न लागेको फिल्ममा अभिनेत्री ऋचा शर्माले मुख्य भूमिकामा अभिनय गर्ने भएकी छन् ।
अभिनेता पल शाहले अब चरित्रमा विविधता दिन खोजिरहेका छन् । आगामी जेठ १० गते प्रदर्शनको तयारीमा रहेको फिल्म ‘पूजार सार्की’मा समाजको विद्रोही चरित्रमा देखिन लागेका उनी नयाँ फिल्म ‘रावायण’मा एक्सन भूमिकामा प्रस्तुत हुँदैछन् । त्यसका लागि उनले २० दिनदेखि एक्सनको बन्द प्रशिक्षण लिइरहेका छन् । उनलाई द्वन्द्व निर्देशक श्री श्रेष्ठले एक्सनको तालिम गराइरहेका छन् ।
यस वर्षको ठूलो रिलिज फिल्म ‘डिग्री माइला’लाई प्रिमियरमा सुखद् प्रतिक्रिया मिलेको छ । बिहीबार साँझ कमलपोखरीस्थित बिग मुभिजमा आयोजना गरिएको प्रिमियरमा उपस्थिति प्रायःले फिल्मको कथावस्तु, निर्देशन पक्ष र कलाकारको अभिनयको प्रशंसा गरे । प्रिमियरका लागि बिग मुभिजलाई आकर्षक रुपमा सिंगारिएको थियो । करिब ७ सय अतिथि प्रिमियरमा उपस्थित भएका थिए ।
