Nepal's No.1 Filmy Web Magazine

राजु श्रेष्ठको निर्देशनमा बन्न लागेको फिल्म ‘कंगाल करोडपति’को मुख्य भूमिकामा अभिनेता मुकुन भुसाल अनुबन्धित भएका छन् । शुक्रबार निर्माता र भुसालबीच लिखित सम्झौता भएको हो ।

ओटीटी प्लाटफर्ममा निकै चर्चित मानिएको वेब सिरिज ‘मिर्जापुर’ अब फिचर फिल्मको रूपमा दर्शकमाझ आउँदैछ । बिहीबार युट्युबमार्फत यस फिल्मको टिजर सार्वजनिक गरिएको छ, जसले कथावस्तुबारे प्रस्ट पार्ने प्रयास गरेको छ । सत्ता संघर्ष, राजनीतिक षड्यन्त्र, विरासत, दुश्मनी र क्रूर हिंसाको पुरानै संसारलाई फिल्मले प्रस्तुत गर्ने टिजरले स्पष्ट पार्छ । 

विश्व प्रतिष्ठित कान्स फिल्म फेस्टिभलमा ‘अन सर्टेन रिगार्ड’ विधातर्फको ‘जुरी प्राइज’ जितेको नेपाली फिल्म ‘एलिफेन्ट्स इन द फग’ (तिनीहरू)को प्रदर्शन मिति तय गरिएको छ । बुधबार काठमाडौंमा आयोजित एक कार्यक्रमका बीच निर्माताले भदौ १९ गतेबाट फिल्म प्रदर्शन हुने जानकारी दिए । यो मितिमा श्रीकृष्ण जन्माष्टमीको सार्वजनिक विदा परेको छ ।

गीतकार, निर्माता तथा लेखक डा. भोला रिजालका छोरा डा. कपिल रिजालको निर्देशन बनेको नयाँ फिल्म ‘गौँथली’ आगामी साउन १ गतेबाट प्रदर्शनमा आउँदैछ । यो फिल्म दुई दशकअघि बनेको ‘गौँथली’को ‘कन्सेप्ट’मा निर्माण भएको हो । अर्थात् पढ्ने इच्छा भएकी युवतीको विवाह भएपछि सासुले गर्ने चरम अत्याचारलाई फिल्मले मुख्य विषयवस्तु बनाएको छ ।

अभिनेता जितु नेपालको मुख्य भूमिका रहेको फिल्म ‘कार्की साइँला’को प्रदर्शन मिति फेरबदल भएको छ । साउन १ गते प्रदर्शन हुने भनिएको यो फिल्म अब दुई महिना पछाडि सरेको छ । बुधबार निर्माताले फिल्मको एक पोस्टर सार्वजनिक गर्दै असोज २ गतेलाई नयाँ प्रदर्शन मिति तय गरेका हुन् । यो मितिमा अर्को फिल्म ‘झिँगेदाउ २’ पनि छ ।