Nepal's No.1 Filmy Web Magazine
गत वर्षको सफल फिल्म ‘जेरी अन टप’की निर्मात्री भविष्य खड्काको नयाँ फिल्म ‘टिका’को शुभ मुहूर्त गरिएको छ । बिहीबार ललितपुरको पाटनस्थित बंगलामुखी मन्दिरमा फिल्मका कलाकार तथा प्राविधिकहरूको उपस्थितिमा क्यामरा, स्क्रिप्ट र क्ल्याप पूजा गरियो । फिल्मको छायांकन भने अर्को सातादेखि सुरु हुने जनाइएको छ ।
कुनै बेला आफ्नो सशक्त अभिनयले दर्शकमा गहिरो छाप छाडेकी अभिनेत्री गरिमा पन्त करिब ९ वर्षपछि फिल्ममा फर्किएकी छन् । केही दिनदेखि भक्तपुरमा अन्तिम चरणको छायांकन भइरहेको फिल्म ‘बाटुलो जून’बाट उनले अभिनयमा पुनरागमन गरेकी हुन् । उनले बिहीबारबाट आफ्नो भागको छायांकन सुरु गरिसकेकी छन् ।
विश्व प्रतिष्ठित कान्स फिल्म फेस्टिभलमा २० मे (७ जेठ)मा प्रिमियर हुन लागेको नेपाली फिल्म ‘एलिफेन्ट्स इन द फग’को ट्रेलर सार्वजनिक गरिएको छ । बुधबार युट्युबमार्फत सार्वजनिक १ मिनेट ४४ सेकेण्ड लम्बाइको ट्रेलरले फिल्मको कथावस्तुबारे प्रकाश पारेको छ । यो फिल्म कान्सको ‘अन सर्टेन रिगार्ड’ विधामा प्रिमियर हुँदैछ ।
संगीतकार टंक बुढाथोकीको निर्देशनमा बन्न लागेको फिल्म ‘मन बिनाको धन २’मा यतिबेला कलाकार छनोटको काम भइरहेको छ । केही दिनअघि मात्र मुख्य अभिनेत्रीमा पूजा शर्मालाई अनुबन्धित गरिएको थियो । अब यस फिल्ममा अभिनेता महेश त्रिपाठीको प्रवेश भएको छ । उनीसँग मंगलबार निर्देशक बुढाथोकीले कागजी सम्झौता गरेका हुन् ।
तमिल सुपरस्टार थलापति विजयले केही दिनअघि मात्र तमिलनाडुको मुख्यमन्त्री पदको शपथ लिए । उनले पदभार ग्रहण गरेसँगै तीन वर्षदेखि तमिलनाडुमा प्रतिबन्ध रहेको फिल्मको बिहानी शो खुला गर्न अनुमति दिएका छन् । सन् २०२३ मा एउटा ठूलो घटनापछि तमिलनाडु सरकारले सुरक्षाको कारण देखाउँदै फिल्मको बिहानी शो राख्न प्रतिबन्ध लगाएको थियो ।
मंगलबार अभिनेत्री वर्षा राउतले आफ्नो आधिकारिक टिकटक एकाउन्टमा पोस्ट गरेको एउटा भिडियो यतिबेला सामाजिक सञ्जालमा भाइरल बनेको छ । उक्त मिडियोमा उनले गहभरि आँसु लिएर आफ्नो फिल्म ‘मालती मंगले’लाई कसैले साथ नदिएको भन्दै चित्त दुखाएकी छन् । उनको दुखेसो खासगरी फिल्म क्षेत्रका व्यक्तिहरूप्रति देखिन्छ ।
