शहरको मुख्य समस्या नै ड्रग्स हो भन्ने कुराहरु उठिरहँदा ड्रग्समा बढी युवा युवती फसिरहेको भन्ने खवरहरु पनि आइनैरहेका छन् । त्यसो त ड्रग्स प्रयोग गर्नु भनेको आफ्नो वर्वादी आफैले तय गर्नु भएको पनि बताइन्छ । के साँच्चिकै ड्रग्स प्रयोग गर्नु भनेको आफ्नो बर्वादी आफैले तय गर्नु हो त ? जान्नका लागी हेर्नैपर्ने हुन्छ चलचित्र 'MY Own Graveyard' ।

चलचित्रलाई 'Don't do drug Don't dig your own graveyard' भन्ने स्लोगनका साथ निर्माण गरिएको जनाइएको छ । यस्तै निर्माण पक्षले चलचित्र ड्रग्स बिरुद्धको आवाज भएको जनाएको छ । अनुप गिरी निर्देशित करिब ३० मिनेटको छोटो चलचित्र 'MY Own Graveyard' को पचास पतिशत प्राबिधिक कार्य सकिएको छ ।


निर्देशक गिरी आफैले लेखेको कथामा चलचित्रको निर्देशन गरेका थिए भने चलचित्रमा उनी आफैले क्यामरा चलाएका छन् । यति मात्र कहाँ हो र ? अहिले चलचित्रको सम्पादन पनि उनि आफैले गरी रहेका छन् । उज्वला केसीको सह निर्देशन रहेको चलचित्रको मुख्य भुमिकामा किरण खनालले अभिनय गरेका छन् । चलचित्रको बाकीँ काम भै रहेको निर्देशक गिरीले जानकारी दिएका छन् ।