पुरुषहरुको चरित्रलाई केन्द्रमा राखेर निर्माण गर्न लागिएको चलचित्र लोग्ने मान्छेको सुटिङ डेट सरेको छ । असार १५ गतेबाट सुटिङमा जाने भनिएको चलचित्रको अब भदौको पहिलो साता मात्र छायाँकनमा थालिने छ ।

 
कलाकार उत्तम केसीले निर्देशक लय संग्रौलासंग मिलेर निर्माण गर्न लागेको उक्त चलचित्रको निर्देशन संग्रौलाले गर्ने छन् । तर निर्देशन संग्रौला अहिले टेली सिरियलमा ब्यस्त भएका कारण यो चलचित्रको छायाँकन समय पछाडी सारेको निर्माता केसीले जनाएका छन् । केसीका अनुसार चलचित्रको छायाँकन पछाडी सार्नुको मुख्य कारण निर्देशकको डेट भन्दा पनि नायकको डेट नमिलेकोले रहेछ । यसका नायक सुमन सिंह ब्यस्त भएको र उनले भदौ अघि समय दिन नसक्ने जनाएका कारण चलचित्रको छायाँकन समय पछाडी सारिएको हो ।


९० प्रतिशत पुरुषहरुको चरित्रमा आधारित हुने भनिएको यस चलचित्रको कथा र गीत निर्देशक संग्रौला कै छ । सुमन सिंह प्रमुख पात्रको रुपमा चलचित्रमा प्रस्तुत हुने जानकारी दिदै केसीले बिश्वका लोग्ने मान्छेको चरित्रलाई नायक सुमनले पर्दा मार्फत प्रस्तुत गर्ने जानकारी गराए ।  सुमनका अलवा चलचित्रमा नायिका झरना थापा र सिर्जना बस्नेत पनि मुख्य भुमिकामा देखिने छन् । चलचित्रको छायाँकन काठमाडौमा नै गरीने छ ।