Nepal's No.1 Filmy Web Magazine
बडा दशैंलाई लक्षित गर्दै आगामी असोज १४ गतेबाट प्रदर्शनमा आउने भनिएको फिल्म ‘परदेशी २’ पाँच महिना पछाडि सरेपछि यो मितिमा फिल्म ‘बाबरी’ लाग्ने भएको छ । आगामी भदौ ३१ गतेलाई प्रदर्शन मिति तोकिएको यो फिल्म दुई साता पछाडि सर्दै दशैं विदामा प्रदर्शन हुन लागेको हो । सोमवार फिल्मको ट्रेलर सार्वजनिक गर्दै असोज १४ गतेलाई नयाँ प्रदर्शन मिति घोषणा गरिँदैछ ।
फिल्म ‘मंगलम’बाट अभिनेता पुष्प खड्काले पूर्नजन्म पाए । यो फिल्मले उनलाई सफलताको सुःख मात्र दिएन, चुनौतीपूर्ण चरित्रमा गरेको जीवन्त अभिनयले राष्ट्रिय चलचित्र अवार्ड नै दिलायो । एउटा कलाकारले अभिनयको आधारमा राष्ट्रबाट अवार्ड पाउनु सानो सफलता होइन । तर, ‘मंगलम’पछि उनले फिल्मको संख्या बढाउनबाहेक अभिनयबाट दर्शकहरुको चित्त बुझाउन असमर्थ छन् ।
अभिनेत्री रुविना थापाले डेब्यू फिल्म ‘लभ डायरिज’को एक गीत सार्वजनिक कार्यक्रममा अनुभवले खारिएको एउटा बयान दिएकी थिइन्, ‘मेरो फिल्मी ब्याकग्राउन्ड नभएकाले फिल्ममा प्रवेश गर्न सजिलो थिएन । यो फिल्मबाट अभिनेत्री बन्ने सपना त पूरा भयो तर फिल्मी दुनियाँमा अटाउन एकदमै गाह्रो छ । यद्यपि, म आफूलाई प्रमाणित गर्नका लागि अभिनयमा मिहेनत गर्न छाड्ने छैन ।’
आगामी असोज ७ गतेबाट नेपाल र भारतमा एकसाथ प्रदर्शन हुन लागेको फिल्म ‘प्रेमगीत ३’को हिन्दी टिजर सार्वजनिक भएको छ । भारतीय ट्रेड एनालिस्ट कोमल नाहटाले ट्विटरमार्फत् फिल्मको हिन्दी टिजर सार्वजनिक गरेका हुन् । झन्डै एक मिनेट लम्बाईको टिजर एक्सनले भरिएको छ । अभिनेता प्रदीप खड्कालाई प्राथमिकतामा राखिएको टिजरमा उनी एक्सन अवतारमा प्रस्तुत छन् ।
श्रीदेवी बलिउडको पहिलो फिमेल सुपरस्टार हुन्, जसले तीन सयभन्दा बढी फिल्ममा अभिनय गरेकी छन् । निर्माताको रुपमा पनि उनले पहिचान बनाएकी थिइन् । उनको अभिनयबाट प्रभावित भएर हलिउड निर्देशक स्टीवन स्पीलबर्गले फिल्म ‘जुरासिक पार्क’ मा उनलाई कास्ट गर्न चाहेका थिए तर, उनले काम गर्न मानिनन् । उनले आफ्नो करिअरमा अन्य देशको फिल्म गरेकी छैनन् ।
फिल्म ‘परदेशी २’को कथावस्तु दशैंसँग सम्बन्धित छ । त्यसैले निर्माण टिमले दशैंलाई लक्षित गर्दै आगामी असोज १४ गतेलाई फिल्मको प्रदर्शन मिति घोषणा गरेको थियो । तर, असोज ७ गते ‘प्रेमगीत ३’ र असोज २१ गते ‘दुई नम्बरी’ आउने भएपछि निर्माण टिमले सेफ ल्यान्डिङ खोज्दै फिल्मलाई करीब ५ महिना पछाडि धकलेको छ । अब यो फिल्म फागुन ५ गतेबाट प्रदर्शन हुनेछ ।
