Nepal's No.1 Filmy Web Magazine
चलेका नेपाली कलाकारको फिल्म प्रदर्शन हुँदा दर्शकहरुले दोस्रो पार्टको माग गरेको सर्वाधिक सुनिन्छ । र, यही प्रतिक्रिया सुनेर दंग हुन्छन् निर्मातादेखि कलाकारसम्म । यतिबेला दोस्रो हप्तामा प्रदर्शनरत फिल्म ‘बाबरी’लाई पनि सिक्वेलको माग आएको छ । फिल्मलाई अधुरैमा विट मारिएको भन्दै दर्शकले सिक्वेल मागेका हुन् । निर्माता पनि दर्शकको मागमा सकारात्मक देखिएका छन् ।
यही शुक्रवारबाट प्रदर्शनमा आउने तयारीमा फिल्म ‘हिजो आजका कुरा’ले प्रिमियरमा सुखद् प्रतिक्रिया पाएको छ । बुधवार साँझ काठमाडौंको एक हलमा आयोजित प्रिमियर शोमा उपस्थित भएका फिल्मकर्मीहरुले कथावस्तुदेखि कलाकारको अभिनयसम्मको प्रशंसामा शब्द खर्चिए । केही अतिथीले फिल्म हेरिरहँदा बाल्यकालमा ‘हिजो आजका कुरा’ सिरियल हेर्दाको दिन पनि सम्झिए ।
एक समय टेलिभिजनको स्क्रिनमा सर्वाधिक रुचाइएको हाँस्य टेलिसिरियल ‘हिजो आजका कुरा’को नाममा निर्माण भएको फिल्म यही असोज २८ गतेबाट प्रदर्शनमा आउने तयारीमा छ । ‘ए जदौ माया जदौ’ गीतका कारण चर्चामा रहेको यो फिल्मलाई साकार पन्तले निर्देशन गरेका हुन् । उनी, बरिष्ठ कलाकार सन्तोष पन्तका छोरा हुन् । यही फिल्मबाट उनले निर्देशनमा डेब्यू गरेका हुन् ।
फिल्म ‘कालो पोथी’ फेम्ड निर्देशक मीन भामले करीब ५ वर्षपछि निर्देशनमा कमब्याक गर्न लागेको फिल्म ‘चिसो वर्ष’मा अभिनेता सोनम तोप्देन छनोट भएका छन् । दुई चरणको अडिसनपछि उनलाई निर्देशक भामले चयन गरेका हुन् । दुई वर्षअघि भएको पहिलो चरणको अडिसनमा पहिलो नम्बरमा छानिएका सोनम दशैंअघि भएको फाइनल अडिसनमा फिल्मका लागि चुनिएको हो ।
फिल्म ‘प्रसाद २’का निर्माता सुभाष थापा, निर्देशक सुदर्शन थापा र अभिनेता विपिन कार्कीबीच उत्पन्न विवाद समाधान भएको छ । निर्माता थापाले चलचित्र निर्माता संघमा छायांकनको वातावरण मिलाइदिन उजुरी हालेपछि संघले तीनै जनासँग वार्ता गरेर विवाद टुंग्याएको हो । आगामी मंसिर ७ बाट छायांकन थाल्ने गरि निर्माता, निर्देशक र अभिनेताले सम्झौता पत्रमा हस्ताक्षर गरेका छन् ।
अभिनेता भुवन केसी र अभिनेत्री जीया केसीको सम्बन्ध न परिवार न त मिडियाबाट नै लुकेको छ । उनीहरु लामो समयदेखि एउटै घरको छतमुनी बस्दै आएका छन् । तर, उनीहरुको विवाह भने भएको छैन । कुनै समय नेपाली फिल्ममा बोल्ड सिन दिएर चर्चामा आएकी जीया भुवन केसीसँग नजिक भएपछि फिल्मबाट टाढा भइन् । त्यसयता उनले भुवन र उनको घर सम्हाल्दै आएकी छन् ।
