Nepal's No.1 Filmy Web Magazine
नेपाली फिल्म सधैं विदेशी फिल्मको चेपटामा पर्दै आएको छ । अघिल्लो दिनसम्म नेपाल आउने/नआउने टुंगो नभएका विदेशी फिल्म रातारात सेन्सर भएर हलमा लाग्ने गरेका कारण पनि नेपाली फिल्म हल र शो बाँडफाँडमा मारमा पर्ने गरेको छ । विदेशी फिल्म सहज रुपमा सेन्सर हुने भएकाले पनि यो अवस्थाको अन्त्य नभएको हो । तर, अब नेपाली फिल्म क्षेत्रको सर्वोच्च संस्था चलचित्र विकास बोर्डले सेन्सर स्वीकृति लिनुपर्ने नियममा कडाई गरेको छ ।
फिल्म ‘पशुपति प्रसाद’पछि निर्देशक दीपेन्द्र के. खनाल र अभिनेता विपिन कार्कीबीच सहकार्य भएको नयाँ फिल्म ‘के घर के डेरा’ दीपावलीको अवसर पारेर कात्तिक ४ गतेबाट प्रदर्शनमा आउँदैछ । यसकारण पनि यो फिल्मप्रति अपेक्षा उच्च छ । ट्रेलर हेर्दा विपिनको चरित्र फिल्ममा सबैभन्दा शक्तिशाली देखिन्छ । र, एकपटक फेरि उनले आफूलाई भिन्न चरित्रमा प्रस्तुत गरेका छन् ।
अभिनेत्री स्वस्तिमा खड्काको बलिउडका नामी कलाकार सौरभ शुक्लासँग भारतको चण्डीगढमा भेटघाट भएको छ । चण्डीगढमा जारी इन्डस भ्याली अन्तर्राष्ट्रिय फिल्म फेस्टिभलको क्रममा उनीहरुबीच भेट भएको हो । स्वस्तिमाले कलाकार शुक्लासँग भेटको तस्विरहरु इन्स्टाग्राममा पोस्ट्याउँदै नेपाल र भारतीय फिल्म उद्योगको सम्बन्धको बारेमा कुराकानी भएको उल्लेख गरेकी छन् ।
नेपालमा अवस्थित युरोपियन युनियनको डेलिगेशनले ११औँ ‘नेपाल युरोपेली युनियन चलचित्र महोत्सव’को आयोजना गर्ने भएको छ । अक्टोबर २८ देखि नोभेम्बर १ अर्थात् कार्तिक ११ देखि १५ गतेसम्म चलचित्र विकास बोर्डमा हुन लागेको महोत्सवमा तेह्र युरोपेली र तीनटा नेपाली फिल्म प्रदर्शन हुने शुक्रवार युरोपियन युनियनको कार्यालयमा आयोजित पत्रकार सम्मेलनमा जानकारी गराइयो ।
फिल्म ‘लाखे’को रिलिज दोस्रो पटक पनि पोस्टपोन्ड भएको छ । भदौ ३१ गतेबाट कात्तिक ११ मा पुगेको यो फिल्म अब एक हप्ता पछाडि सर्दै कात्तिक १८ गतेबाट प्रदर्शनमा आउने भएको छ । कात्तिक ११ गते महजोडीको फिल्म ‘महापुरुष’ आउने भएकाले ‘लाखे’ एक हप्ता पछाडि सारेको हो । महजोडीको सम्मानका खातिर फिल्मको प्रदर्शन धकलेको निर्देशक सम्राट बस्नेतले बताए ।
