Nepal's No.1 Filmy Web Magazine
बलिउड अभिनेता अजय देवगन स्टारर सस्पेन्स-ड्रामा फिल्म ‘दृश्यम २’ले भारतीय बक्सअफिसमा आँधी ल्याएको छ । १५ करोड ३८ लाखको सानदार ओपनिङ गरेको फिल्मले दोस्रो दिन २१ करोड ५६ लाख कमाई गरेको थियो । तेस्रो दिन फिल्मको कमाईमा थप उछाल आयो । तेस्रो दिन २७ करोड १७ लाख कमाएको फिल्मले सोमवार बिना विदामा पनि ११ करोड ८७ लाख छापेको छ ।
राप्रपा नेतृ तथा अभिनेत्री रेखा थापालाई मोरङ ३ मा कांग्रेस र एमालेका उम्मेदवारलाई मतमा उछिन्न सकस परेको छ । प्रारम्भिक मत परिणाममा उनी तेस्रो छिन् । ६ हजार ३ सय ६३ मत गनिसक्दा उनको पक्षमा ९ सय ५ मत झरेको छ । कांग्रेसका डा. सुनिल शर्मा ३ हजार १ सय ३२ मतसहित पहिलो र १ हजार ५ सय ७९ मत प्राप्त गर्दै एमालेका भानुभक्त ढकाल दोस्रो नम्बरमा छन् ।
यस वर्षको ब्लकबस्टर फिल्म ‘कबड्डी ४’भन्दा अघि र पछि प्रदर्शनमा आएका कुनै फिल्म हलमा लामो समयसम्म टिक्न सकेनन् । लगानी उठाएका फिल्मको आयू पनि मुश्किलले चार हप्तासम्म रह्यो । तर, छठ विदादेखि प्रदर्शनमा आएको फिल्म ‘महापुरुष’ले भने ५१औं दिने रेकर्ड बनाउने देखिएको छ । चौंथो हप्तामा पनि हलमा देखिएको दर्शक उपस्थितिले यो अनुमान गर्न सकिन्छ ।
कोरोना महामारीभन्दा अगाडि मिलन चाम्सले भारतका हल र डिजिटल प्लेटफर्ममा रिलिज गर्ने योजनासहित आफू निर्देशित तथा निर्मित फिल्म ‘वीर विक्रम २’लाई हिन्दी भाषामा डबिङ गरेका थिए । तर, महामारीका कारण फिल्म रिलिज अन्योल बन्यो । अब यो फिल्म नेपालकै युट्युबमा रिलिज हुने भएको छ । फिल्म रिलिजभन्दा अगाडि सोमवार हिन्दी ट्रेलर सार्वजनिक गरिएको छ ।
२०२२ मा एकपछि अर्को आशातित फिल्मले निराशाजनक प्रदर्शन गरेपछि संकटमा परेको बलिउडलाई अभिनेता अजय देवगन र अभिनेत्री तब्बु स्टारर फिल्म ‘दृश्यम २’ले ठूलो राहत दिने देखिएको छ । १५ करोड ३८ लाखको सानदार ओपनिङ गरेको फिल्मले दोस्रो दिन व्यापारमा ४० प्रतिशत बढोत्तरी कायम गर्यो । दोस्रो दिन आइतबार फिल्मले २१ करोड ५९ लाख कमाई गरेको छ ।
लामो समयदेखि सक्रिय राजनीतिमा आउने बताउँदै आएका लोकप्रिय अभिनेता राजेश हमालले अबको पाँच वर्षमा हुने निर्वाचनमा आफू उम्मेदवार बन्ने घोषणा गरेका छन् । आइतवार भइरहेको प्रतिनिधि तथा प्रदेशसभाको निर्वाचनमा काठमाडौंको लैनचौरस्थित जननाथ स्मृति माध्यमिक विद्यालयमा रहेको मतदान केन्द्रबाट भोट खसालेपछि उनले अब राजनीतिमा सक्रिय हुने बताएका हुन् ।
