Nepal's No.1 Filmy Web Magazine
राजु गिरीको निर्देशनमा बन्न लागेको फिल्म ‘नम्बरी सुन’मा अभिनेत्री नम्रता सापकोटाको प्रवेश भएको छ । शुक्रवार निर्देशक गिरी र निर्माता नारायण खातीले उनीसँग कागजी सम्झौता गरेका हुन् । फिल्ममा नम्रताको जोडी अभिनेता आमेश भण्डारीसँग बाँधिनेछ । उनीहरुले पहिलो पटक एकसाथ काम गर्न लागेका हुन् । नम्रताले स्क्रिप्ट र चरित्र राम्रो लागेपछि फिल्म साइन गरेको बताइन् ।
आगामी माघ २० गतेलाई प्रदर्शन मिति घोषणा गर्दै फिल्म ‘ह्यारी कि प्यारी’को तीनवटा आधिकारिक पोस्टर सार्वजनिक गरिएको छ । शुक्रवार अभिनेत्री साम्राज्ञी आरएल शाहको जन्मदिनको अवसरमा सार्वजनिक गरिएको पोस्टरमा साम्राज्ञी र जितु नेपालको लभ केमेस्ट्री देखिन्छ । पोस्टरको माध्यमबाट फिल्म रोमान्टिक-कमेडी जनरामा निर्माण भएको जानकारी दिन खोजिएको छ ।
२०२२ बलिउडका लागि विर्सनलायक वर्ष बन्ने देखिएको छ । २०२३ सुरु हुन दुई महिना पनि बाँकी नहुँदा बलिउडले जम्मा ५ वटा फिल्म (‘ब्रम्हास्त्र’, ‘भूल भूलैयाँ २’, ‘गंगुवाई ‘काठियावाडी’, ‘द कश्मिर फाइल्स’, जुग जुग जियो’) हिट पायो । अन्य कयैन् आशातित फिल्मले लगानी समेत उठाउन सकेनन् । त्यसमा आमिर खानको ‘लाल सिंह चढ्ढा’देखि ऋतिक रोशनको ‘विक्रम वेदा’सम्म पर्छन् ।
पुष १५ गतेबाट प्रदर्शनमा आउन लागेको फिल्म ‘डिसेम्बर फल्स’को टिजर सार्वजनिक भएको छ । बिहीवार यूट्युब रिलिज भएको १ मिनेट १५ सेकेन्डको टिजर ‘पावरफुल’ छ । लभ, एक्सन, सस्पेन्स र थ्रिलर पक्षको समिश्रण रहेको टिजरमा अभिनेता आर्यन सिग्देल बदला भावमा प्रस्तुत छन् । उनको एक्सनले साउथ शैलीको झल्को दिन्छ । उनलाई रोमान्टिक मूडमा पनि देख्न सकिन्छ ।
२० वर्ष अगाडिको हिट फिल्म ‘हेरा फेरी’को अब तेस्रो श्रृंखला निर्माण हुँदैछ । यसका अघिल्ला दुई श्रृंखलामा मुख्य भूमिकामा अभिनय गरेका अक्षय कुमारलाई तेस्रो सिरिजमा अभिनेता कार्तिक आर्यनले रिप्लेस गरेका छन् । निर्माताले महंगो पारिश्रमिकका कारण अक्षयलाई लिन नसकेको चर्चा छ भने अक्षयले स्क्रिप्ट चित्त नबुझेपछि काम गर्न स्वीकार गरेको स्पष्टिकरण दिएका छन् ।
राष्ट्रिय प्रजातन्त्र पार्टीबाट मोरङ क्षेत्र नम्बर ३ की प्रतिनिधिसभा उम्मेदवार तथा चर्चित अभिनेत्री रेखा थापाले यही मंसिर ४ गतेको निर्वाचन बा पुस्ता र युवा पुस्ताबीचको जनमत संग्रह रहेको बताएकी छन् । आफूले विद्रोहको रुपमा उम्मेदवारी दिएको बताउने गरेकी उनले प्रतिनिधि तथा प्रदेशसभा निर्वाचनलाई भ्रष्टाचारी र भ्रष्टाचार विरोधी पुस्ताको लडाईंको रुपमा समेत अर्थ्याएकी छन् ।
