Nepal's No.1 Filmy Web Magazine
फिल्म निर्माणलाई जुवाको खेल भन्ने गरिन्छ । फिल्मले कमायो भने मनग्य आउँछ । डुब्यो भने रुपैयाँ पनि आउँदैन । तर, वर्षौंदेखि निर्माताले मात्र यो जोखिमपूर्ण खेल खेलिरहेका छन् । पारिश्रमिक लिएर काम गर्ने कलाकारलाई भने फिल्म नचल्दा पनि आर्थिक रुपमा घाटा हुँदैन । कोरोना महामारीपछि भने केही कलाकारले पारिश्रमिक नलिइ मुनाफाको हिस्सेदारीमा काम गरिरहेका छन् ।
फिल्म ‘प्रेमपिण्ड’ले अभिनेता सरोज खनालको करिअर उत्कर्षमा पुर्याएको थियो । उनी नेपाली फिल्मका ठूला स्टार भएका थिए । उनको बढ्दो लोकप्रियता देखेर त्यसबेलाका ठूला राजनीतिक दलहरुले चुनाव लड्नका लागि प्रस्ताव समेत गरेका थिए । २०५२ सालमा उनी नेकपा एमालेबाट चितवनमा चुनाव लड्न लागेको व्यापक चर्चा समेत चलेको थियो । तर, उनी चुनावमा होमिएनन् ।
बैशाख १ गतेबाट प्रदर्शित फिल्म ‘जारी’पछि नेपाली फिल्मले व्यावसायिक सफलता हासिल गर्न सकेका छैनन् । बैशाख महिनामा मात्र ७ फिल्म असफल भए । यसका बावजूद पनि फिल्म रिलिज भने हरेक हप्ता हुँदै आएको छ । यो हप्ता दुई फिल्म ‘डाकिनी’ र ‘ए साथी सुन’ प्रदर्शनको मैदानमा उत्रिएका छन् । फरक-फरक कथावस्तुमा बनेका दुवै फिल्मको रिलिज उद्देश्य पनि फरक छ ।
विवादका पर्याय कलाकार नवल खड्काले आफ्नो फिल्म ‘काँडेतार’लाई चलचित्र जाँच समिति (सेन्सर बोर्ड)ले पास नगरेको भन्दै केही दिन राम्रै बबण्डर मच्चाए । अदालत जाने चेतावनीदेखि नेतालाई बोलाएर पत्रकार सम्मेलनसम्म गर्न भ्याए । यसको पछाडि उनको उद्देश्य एउटै मात्र थियो, विवाद चर्काएर फिल्मको प्रचार गर्ने । केही हदसम्म खड्का आफ्नो उद्देश्यमा सफल पनि भए ।
