Nepal's No.1 Filmy Web Magazine
गत फागुन १९ गते दीपकराज गिरी समुहको ‘छक्का पञ्जा ४’ र सुपरस्टार अनमोल केसी अभिनीत ‘छड्के २’ एकसाथ प्रदर्शनमा आएका थिए । यसलाई यस वर्षकै सबैभन्दा ठूलो भिडन्तको रुपमा हेरिएको थियो । तर, प्रदर्शनमा आएसँगै ‘छड्के २’ ओसिएको सलाईको काँटी जस्तो बन्न पुग्यो । ‘छक्का पञ्जा ४’ भने आक्रामक निस्कियो । अहिले यो फिल्म १५ करोड कमाउने दौडमा छ ।
फिल्म छायांकनमा जानुभन्दा अगाडि कलाकारदेखि निर्देशकसम्म वर्कसपमा बस्ने ट्रेन्ड नेपालमा सुरु भएको धेरै वर्ष भएको छैन । हलिउड/बलिउडतिर भने फिल्म निर्माण चरणको एउटा महत्त्वपूर्ण हिस्साको रुपमा वर्कसपलाई लिइन्छ । वर्कसपमा पटकथादेखि कलाकारले निर्वाह गर्ने चरित्रको बारेमा सुक्ष्म ढंगमा छलफल गर्ने गरिन्छ, जसले गर्दा फिल्म सबै पक्षबाट राम्रो बन्न सघाउ पुग्छ ।
नेपाली फिल्म क्षेत्रको एउटा ठूलो संस्था हो, नेपाल चलचित्र कलाकार संघ । सदस्य संख्यामा चलचित्र प्राविधिक संघपछिको दोस्रो ठूलो संस्था हो भने संघको आफ्नै भवन समेत बनिसकेको छ । यसैले संघप्रति कलाकारहरुको आकर्षण बढ्दो छ, जुन शनिबार काठमाडौंमा भएको निर्वाचनको माहोलले पनि देखाउँथ्यो । यद्यपि, संघले अझै नयाँ पुस्ताका कलाकारलाई समेट्न सकेको छैन ।
नेपाल चलचित्र कलाकार संघको अध्यक्षमा विजयी भएका मोहन निरौलाले आफूसँग पराजीत भएकी रेजिना उप्रेतीलाई पनि संघमा सम्मानपूर्वक समेट्ने प्रतिबद्धता जनाएका छन् । रेजिनाले आफूलाई खादा लगाएर बधाई दिने क्रममा निरौलाले उनले चाहेको रुपमा सम्मानपूर्वक संघमा समेट्ने वाचा गरेका हुन् । उनले आफूहरुबीच अस्वस्थ प्रतिस्पर्धा र कटुता नभएको पनि जिकिर गरे ।
‘बाहुबली’, ‘केजीएफ’, ‘आरआरआर’, ‘पुष्पा’ जस्ता फिल्मको सफलतापछि साउथमा यही शैलीमा फिल्म निर्माण हुने क्रम बढेको छ । तर, रुचाइने र व्यावसायिक रुपमा सफल हुने फिल्मको संख्या ज्यादै कम छ । शुक्रबारबाट प्रदर्शन थालनी गरेको साउथ फिल्म ‘कब्जा’को ट्रेलर सार्वजनिक भएपछि यसलाई दोस्रो ‘केजीएफ’ भनिएको थियो । तर, ‘केजीएफ’को कमजोर कपी निस्किएको छ ।
