Nepal's No.1 Filmy Web Magazine

फिल्म ‘कर्कस’बाट निर्देशकिय यात्रा सुरु गरेका अभिनेता, मोडल तथा उद्घोषक आसिफ शाहले ९ वर्षपछि निर्देशनमा पुनरागमन गर्ने भएका छन् । उनको निर्देशनमा ‘शुभ विवाह’ बन्न लागेको हो । लकडाउनभन्दा अगावै घोषणा गरिएको फिल्म ‘डामाडोल’लाई पछाडि सार्दै उनले नयाँ फिल्मलाई अगाडि सारेका हुन् । कमेडी जनरामा बन्ने फिल्मलाई जी-ट्वान्टीवान प्रोडक्सनले निर्माण गर्नेछ ।

डा. कपिल रिजालद्वारा निर्देशित फिल्म ‘ह्यारी कि प्यारी’को नयाँ गीत सार्वजनिक भएको छ । शनिबार युट्युबमा सार्वजनिक ‘दम दम’ बोलको क्लब गीतमा अभिनेत्री साम्राज्ञी आरएल शाह बोल्ड अवतारमा प्रस्तुत छिन् । उनलाई नृत्यमा आरए सुरज पौडेलले साथ दिएका छन् । कविराज गहतराजले कोरियोग्राफी रहेको गीतमा युग भुषालको शब्द तथा संगीत र थोम्स एन्ड्रियूजको स्वर छ ।

टीकापुर घटनामा दोषी ठहर भएर आजीवन कारावासको कैद सजाय काटिरहेका पूर्व सांसद् रेशम चौधरी संरक्षक रहेको नागरिक उन्मुक्ति पार्टीमा अभिनेत्री तथा मोडल एलिजा गौतम प्रवेश गरेकी छन् । शनिबार रुपन्देहीको भैरहवास्थित होटल दरबार ल्यानमा आयोजित कार्यक्रममा उनलाई पार्टीकी केन्द्रीय अध्यक्ष तथा संघीय सांसद् रञ्जिता श्रेष्ठले फूलमालासहित पार्टी प्रवेश गराएकी हुन् ।