Nepal's No.1 Filmy Web Magazine
यस वर्षको सफल फिल्म ‘मोहर’मा अभिनेता पल शाह र अभिनेत्री बेनिशा हमालले जोडी भएर काम गरेका थिए । तर, यतिबेला रोचक संयोग के जुरेको छ भने दुवैको नयाँ फिल्म शुक्रबारबाट एकैसाथ प्रदर्शनमा आएका छन् । पल अभिनीत ‘आ बाट आमा’ र बेनिशा अभिनीत ‘द ब्लू लाइट’ बक्स अफिस प्रतिस्पर्धामा उत्रिएका हुन् । दुवै फिल्म विषयका हिसाबले भने फरक छन् ।
अक्सर नेपाली फिल्म हलमा फ्लप र युट्युबमा सुपरहिट हुने गरेका छन् । युट्युबमा निःशुल्क हेर्न पाइने सुविधा भएकाले प्रायः फिल्मलाई उल्लेख्य भ्यूज मिल्ने गरेको छ । यद्यपि, युट्युबमा भ्यूजको खडेरी देखिएका स्थापित कलाकारहरूकै फिल्म पनि धेरै छन् । यस्तोमा फिल्म ‘ऊनको स्वीटर’ले हलसँगै युट्युबमा पनि लोभलाग्दो सफलता पाएको छ ।
भारतीय गायक कैलाश खेरले नेपाली फिल्म ‘शिवांश’का लागि गीत गाएका छन् । महाशिवरात्रिको छेको पारेर फागुन १ गतेदेखि प्रदर्शनमा आउन लागेको यस फिल्मको ‘शिव ताण्डव’ बोलको गीतमा उनले स्वर दिएका हुन् । एक भिडियो सन्देशमार्फत उनले यसबारे जानकारी गराएका छन् । सम्भवतः उनले नेपाली फिल्मका लागि गाएको यो पहिलो गीत हो ।
भनिन्छ, ‘एकसाथ दुईवटा डुङ्गामा खुट्टा राखेर यात्रा गर्नु भनेको दुर्घटना निम्त्याउनु हो ।’ गायक तथा अभिनेता प्रकाश सपूतले पनि यही दुस्साहस गर्दा करिअरमा ठूलो उतारचढाव भोग्नु परेको छ । गायनमा लोभलाग्दो उडान भरिरहँदा उनले ‘परदेशी २’बाट फिल्ममा डेब्यु गरेका थिए । यसबाट उनले सफलता पनि पाए । उनको दोस्रो फिल्म ‘पूर्णबहादुरको सारंगी’ले त इतिहास नै रच्यो ।
कलाकारहरूको रोचक लाइनअपका कारण चर्चामा रहेको फिल्म ‘आ बाट आमा’ माघ १६ गतेबाट प्रदर्शनमा आउँदैछ । गीतदेखि ट्रेलरले दर्शकमा उत्साह बढाइरहेका बेला निर्माण पक्षले प्रचारलाई अझ प्रभावकारी बनाउन सांगीतिक यात्रा सुरू गरेको छ । यसको सुरूवात पोखराबाट गरिएको छ । मंगलबार साँझ ५ बजेदेखि पोखराको लेकसाइडमा फिल्मको कन्सर्ट भइरहेको छ ।
