Nepal's No.1 Filmy Web Magazine
प्रवेश पौडेलको निर्देशनमा बन्न लागेको फिल्म ‘मायालु’मा मुख्य अभिनेत्रीको टुंगो लागेको छ । शुक्रबार निर्माण पक्षले आकृति बुढाथोकीलाई फिल्ममा अनुबन्धित गरेको हो । अभिनयको हिसाबले उनको यो दोस्रो फिल्म हुनेछ । उनले फिल्म ‘मुक्तिपुर’बाट अभिनेत्रीको रूपमा डेब्यू गरेकी हुन् । उनले केही नाटकमा समेत अभिनय गरेकी छन् ।
आगामी असोज २ गते बक्स अफिसमा त्रिपक्षीय भिडन्त हुने भएको छ । ‘झिँगेदाउ २’ र ‘कार्की साइँला’ मात्र भिड्ने तय भएको यो मितिमा अब अर्को फिल्म ‘माया बस्छ कि क्या हो !’ पनि थपिएको छ । शुक्रबार निर्माण पक्षले फर्स्टलुक पोस्टर सार्वजनिक गर्दै प्रदर्शन मितिबारे जानकारी गराएको हो । यो फिल्म निर्माणको ५ वर्षपछि प्रदर्शन हुन लागेको हो ।
कुमार गजुरेलको निर्देशनमा बनेको फिल्म ‘सारथी’ मंसिर ११ गते (२७ नोभेम्बर)बाट प्रदर्शनमा आउने भएको छ । शुक्रबार फर्स्टलुक पोस्टर सार्वजनिक गर्दै प्रदर्शन मितिबारे जानकारी गराइएको हो । पोस्टरमा अभिनेत्री निरुता सिंह काखमा बच्चा लिएर सुमसुमाइरहेकी देखिन्छिन् । यसले फिल्ममा उनी आमाको भूमिकामा रहेको प्रस्ट पार्छ ।
अभिनेत्री प्रियंका कार्कीले पहिलो पटक निर्माण गरेको फिल्म ‘मास्टर्नी’ले प्रदर्शन यात्रा सुरु गरेको छ । क्राइम थ्रिलर जनरामा निर्माण भएको फिल्म शुक्रबारबाट प्रदर्शनमा आएको हो । फिल्मले देशव्यापी ६० भन्दा बढी शो पाएको छ । तर, फिल्मप्रति दर्शकको उत्साह भने देखिएको छैन । बिहानी शोमा फिल्मको देशव्यापी अकुपेन्सी १० प्रतिशत पनि पुग्न सकेन ।
चर्चित हास्य टेलिभिजन शो ‘कमेडी दरबार’की निर्देशक तथा अभिनेत्री श्रद्धा प्रसाईं फिल्म निर्देशनमा पनि सक्रिय हुन थालेकी हुन् । उनको पहिलो निर्देशकीय फिल्म ‘ककाकिकी’ भदौ १९ गते प्रदर्शन हुँदैछ । उनलाई अभिनेत्री रेखा थापाले आफ्नो नयाँ कमेडी फिल्म ‘काउकुती’को समेत निर्देशन गर्ने जिम्मा दिएकी छन्, जुन यसै वर्ष निर्माण हुँदैछ ।
रक्षा बन्धनको अवसर पारेर भदौ १२ गतेबाट प्रदर्शन हुने फिल्म ‘पार्वती’को ट्रेलर सार्वजनिक गरिएको छ । फिल्म प्रदर्शनको एक साताअघि निर्माण पक्षले ट्रेलर दर्शकमाझ ल्याएको हो । बिहीबार काठमाडौंमा एक कार्यक्रमका बीच सार्वजनिक ४ मिनेट लामो ट्रेलरले दिदीभाइको मर्मस्पर्शी कथा पेस गरेको छ । ट्रेलरको केन्द्रमा नीता ढुंगाना र अशोक दर्जी छन् ।
