Nepal's No.1 Filmy Web Magazine

राम नवमीको अवसर पारेर चैत १३ गतेबाट प्रदर्शनमा आउन लागेको फिल्म ‘हामी तीन भाइ’को प्रचार अभियानलाई निर्माण पक्षले तीव्र बनाएको छ । यतिबेला फिल्मका कलाकारहरू प्रचारप्रसारमा सक्रिय देखिएका छन् भने टिजरदेखि ट्रेलरसम्म सार्वजनिक भइसकेका छन् । यसै क्रममा शुक्रबार फिल्मको नयाँ गीत ‘झम्के फुली’ दर्शकमाझ ल्याइएको छ । 

बलिउड अभिनेता रणवीर सिंह अभिनीत फिल्म ‘धुरन्धर २’ले भारतीय बक्स अफिसमा नयाँ कीर्तिमान रचेको छ । यो फिल्मले बलिउडको इतिहासमै सबैभन्दा ठूलो ओपनिङको कीर्तिमान बनाएको हो । यसअघि यो रेकर्ड फिल्म ‘जवान’को नाममा थियो, जसले ७५ करोडको ओपनिङ गरेको थियो । ‘धुरन्धर २’ले भने पहिलो दिन नै एक सय करोडभन्दा बढीको कमाइ गरेको छ । 

लभस्टोरी फिल्ममा आफूलाई प्रमाणित गरिसकेका हेमराज विसी २ वर्षपछि निर्देशनमा फर्किने भएका छन् । पछिल्लो पटक ‘छक्का पञ्जा ४’ निर्देशन गरेका उनले आगामी वर्ष नयाँ फिल्म बनाउन लागेका हुन् । २ वर्षदेखि अमेरिकामा बस्दै आएका उनी यतिबेला फिल्मको तयारीका लागि नेपालमा छन् । आगामी असारमा फिल्मको छायांकन सुरु गर्ने उनको योजना छ ।

अभिनेत्री आँचल शर्मा बिहीबार आफ्नो २९ औं जन्मदिन मनाउँदैछिन् । उनको जन्मदिनको अवसरमा फिल्म ‘एक मुठी बादल’को टिजर सार्वजनिक गरिएको छ । डेढ मिनेटभन्दा लामो टिजरमा आँचललाई नै केन्द्रमा राखिएको छ । उनले ‘पोम्पोईको फूल’ शीर्षकको कविता वाचन गरेकी छन् । यसमार्फत निर्देशकले फिल्मको कथावस्तुबारे संकेत दिन खोजेको देखिन्छ ।

नयाँ वर्षको छेको पारेर चैत २७ गतेबाट प्रदर्शन हुन लागेको फिल्म ‘राम नाम सत्य’को ‘धागोले बाटेको’ गीत यतिबेला सर्वाधिक चर्चामा छ । गीतमाथि टिकटकमा २ लाखभन्दा बढी भिडियो बनिसकेका छन् भने युट्युबमा ४० लाख भ्यूज नाघेको छ । यो गीतले फिल्मप्रति दर्शकको चासो बढाइरहेको समयमा बिहीबार निर्माण पक्षले दोस्रो गीत ‘हुम्लाको लिमी’ सार्वजनिक गरेको छ । 

यस वर्ष म्यूजिक भिडियो र टिकटक पृष्ठभूमिका कलाकारहरूको फिल्ममा आगमन उल्लेख्य रुपमा भयो । गत फागुनसम्म रिलिज भएका लगभग २० प्रतिशत फिल्ममा नाम कहलिएका मोडल र टिकटकर थिए । तर, दर्शकबाट एकाध मात्र अभिनेता र अभिनेत्रीको रुपमा अनुमोदन भए । यसअर्थ यो वर्ष भिडियो र टिकटकका कलाकारका लागि फिल्म यात्रा अपेक्षित बन्न सकेन ।