Nepal's No.1 Filmy Web Magazine

अन्तरजातीय प्रेमकथामा आधारित फिल्म ‘जदौ’ले बक्स अफिसमा आफ्नो व्यापार उकास्ने प्रयास गरिरहेको छ । शुक्रबार र शनिबार औसत अकुपेन्सी हासिल गरेको फिल्मले दर्शकबाट भने सकारात्मक प्रतिक्रिया पाएको छ । फिल्म हेरेका दर्शकले कथावस्तु र कलाकारको अभिनय मन पराएका छन् । विशेषगरी फिल्मको क्लाइमेक्स बढी रुचाइएको छ ।

निरन्तरको झरीका बीच शुक्रबार (९ असोज)बाट प्रदर्शनमा आएको फिल्म ‘बाः एक योद्धा’ले बक्स अफिसमा अपेक्षित ओपनिङ गर्न सकेन । शनिबार समेत फिल्मको अकुपेन्सी औसत रह्यो । तर, फिल्मलाई दर्शकीय प्रतिक्रिया भने उत्साहजनक देखिन्छ । फिल्म हेरेपछि विशेषगरी महिला दर्शकहरू हलबाट रुँदै समेत निस्किएका छन् । 

अभिनेता निखिल उप्रेतीले ९ वर्षपछि निर्देशनमा कमब्याक गरेको फिल्म ‘आचार्य’ शुक्रबारबाट प्रदर्शनमा आइसकेको छ । निरन्तरको झरीले फिल्मको ओपनिङमा ठूलो असर गरेको भए पनि दुई दिनको व्यापार सन्तोषजनक नै देखिएको छ । दुई दिनमा फिल्मले ५० लाखमाथि व्यापार गरेको अनुमान छ । तर, फिल्मले दर्शकबाट भने मिश्रित प्रतिक्रिया पाएको छ । 

असोज २ गतेबाट प्रदर्शनमा आएको फिल्म ‘झिँगेदाउ २’ले व्यापारमा सुधारका लागि बक्स अफिसमा संघर्ष गरिरहेको छ । दर्शकहरूबाट सकारात्मक प्रतिक्रिया प्राप्त हुँदा पनि फिल्मले पहिलो साता अपेक्षित व्यापार गर्न सकेन । यद्यपि, ‘वर्ड अफ माउथ’ले फिल्मलाई व्यावसायिक सफलता दिलाउनेमा निर्माण पक्ष अझै आशावादी छ । 

गत चैतमा अभिनेता सागर लम्साल (बले)माथि एउटा गम्भीर आरोप लाग्यो । अमेरिका बस्ने एक युवतीले उनीमाथि बलात्कारको आरोप लगाएकी थिइन् । त्यसलगत्तै उनलाई छायांकन भइरहेको फिल्म ‘पाँच पाण्डव’बाट निकालिएको थियो । जबकि, उनको १० दिनको छायांकन समेत भइसकेको थियो । उनलाई हटाएर निर्माताले फिल्म पुनः छायांकन गरेका थिए ।