Nepal's No.1 Filmy Web Magazine
आगामी माघ १ गतेबाट प्रदर्शनको तयारीमा रहेको फिल्म ‘मिरमिरे’को शीर्ष गीत ‘मिरमिरे भो’ सार्वजनिक गरिएको छ । लोक लयमा आधारित यस गीतमा प्रकाश सपूत र मेलिना राईको स्वर रहेको छ भने शब्द तथा संगीत प्रकाश स्वयंको हो । गीतमा युवायुवतीबीचको प्रेम, आकर्षण र आपसी प्रशंसालाई रमाइलो शैलीमा प्रस्तुत गरिएको छ ।
यस वर्षको मंसिर महिनामा नेपाली फिल्मको व्यापार निकै दयनीय देखिएको छ । सोमबार चलचित्र विकास बोर्डले सार्वजनिक गरेको बक्स अफिस तथ्यांक अनुसार मंसिरमा प्रदर्शन भएका ५ फिल्मले एक करोडको पनि व्यापार गर्न सकेका छैनन् । मंसिरमा सबैभन्दा कम व्यापार फिल्म ‘चिराग’को देखिन्छ । यसले गत शनिबारसम्म ६८ हजार ४५० रुपैयाँ ग्रस व्यापार गरेको छ ।
फिल्म सफलताको लोभ हरेक कलाकारमा हुन्छ । तर, यसको स्वाद कमैले चाख्न पाउँछन् । पछिल्लो समय फिल्म सफलताको सबैभन्दा बढी सुखभोग गर्ने अभिनेत्रीमा अञ्जना बराइलीको नाम अग्रस्थानमा आउँछ । अहिले उनी कीर्तिमानी अभिनेत्रीको रूपमा समेत परिचित छिन् । उनको मुख्य भूमिका रहेको पछिल्लो फिल्म ‘पूर्ण बहादुरको सारङ्गी’ले बक्स अफिसमा इतिहास रचेको छ ।
यतिबेला भारतमा मौसम चिसिँदो छ । तर, हलहरूमा भने एक्सन फिल्म ‘धुरन्धर’ले गर्मी बढाएको छ । हलमा दर्शकको भीड र बक्स अफिसमा रेकर्ड टुट्ने क्रम लगातार जारी छ । प्रदर्शनको दिनदेखि असाधारण गतिमा कमाइ बढाइरहेको यो फिल्मले तीन सातामा एकसेएक चर्चित बलिउड फिल्मका रेकर्ड तोडिसकेको छ । अब फिल्म इतिहास रच्ने लक्ष्यमा छ ।
गत शुक्रबारबाट प्रदर्शनमा आएको फिल्म ‘झरीपछिको इन्द्रेणी’ले बक्स अफिसमा अपेक्षित व्यापार गर्न नसकेको भए पनि दर्शकबाट सकारात्मक प्रतिक्रिया पाइरहेको छ । फिल्मको कथावस्तु र कलाकारको अभिनयको प्रायःले प्रशंसा गरेका छन् । दर्शकबाट फिल्मलाई उत्कृष्ट ‘वर्ड अफ माउथ’ मिलेकाले विस्तारै व्यापारिक गति बढ्ने अपेक्षा गरिएको छ ।
पछिल्लो समय नेपाली फिल्म क्षेत्रमा छायांकन सुरु हुनुअघि कलाकारदेखि छायाँकारसम्मको उपस्थितिमा वर्कसप गर्ने चलन फस्टाउँदै गएको छ । फिल्म निर्माण प्रक्रियालाई व्यवस्थित र प्रभावकारी बनाउन आयोजना गरिने यस्ता वर्कसपले कलाकारलाई आफ्नो क्यारेक्टर गहिरो रूपमा बुझ्न र स्क्रिप्टको सूक्ष्म अध्ययन गर्न महत्वपूर्ण भूमिका खेल्ने गरेको छ ।
