Nepal's No.1 Filmy Web Magazine

बलिउड सुपरस्टार सलमान खान यतिबेला आफ्नो नयाँ फिल्म ‘ब्याटल अफ गलवान’को छायांकनमा व्यस्त छन् । मुम्बईको गोरेगाउँस्थित फिल्म सिटीमा तीन सातादेखि छायांकन भइरहेको यस फिल्ममा नेपाली कलाकारहरूलाई पनि ‘कास्ट’ गरिएको छ । अभिनेता अनुप विक्रम शाही फिल्ममा मुख्य भिलेनको रुपमा छन् । सलमानसँग उनको १३ मिनेट लामो एक्सन सिन रहेको छ ।

दशैंदेखि घरेलु बक्स अफिस चलायमान देखिएको छ । दशैं-तिहारमा मात्र नेपाली फिल्मले झन्डै २९ करोडको व्यापार गरे । ठूला चाडपर्व सकिएपछि पनि नयाँ फिल्महरूले आशाजनक प्रदर्शन गरिरहेका छन् । गत साता प्रदर्शन भएको ‘परान’ सुपरहिटतर्फ उन्मुख छ भने, यसै सातादेखि प्रदर्शनमा आएका दुई फिल्म ‘जारी २’ र ‘मन बिनाको धन’ले पनि उत्साहप्रद ओपनिङ गरेका छन् ।

काठमाडौंको बुद्धनगर क्षेत्रमा महिलाहरूका लागि सुविधासम्पन्न नयाँ ब्यूटी पार्लर सञ्चालनमा आएको छ । सञ्चारकर्मी समेत रहेकी मञ्जु गैरे पराजुलीले सञ्चालनमा ल्याएको ‘रुपरंग ब्यूटी स्टुडियो’को शनिबार अभिनेत्री द्वय सञ्चिता लुईंटेल र अञ्जना बराइलीले संयुक्त रूपमा रिवन काटेर उद्घाटन गरे । 

रोशन दासको डेब्यु निर्देशकीय फिल्म ‘प्रतिवैरम’को छायांकन पूरा भएको छ । मधेश केन्द्रित सामाजिक र राजनीतिक विषयवस्तुमा आधारित यस फिल्मको छायांकन शुक्रबार ४५ दिनमा सकिएको हो । फिल्मको सर्लाहीमा १५ दिन र सिराहामा ३० दिन छायांकन गरिएको निर्देशक दासले बताए । 

कोरियोग्राफरको रुपमा परिचित माइकल चन्दले आफ्नो डेब्यु निर्देशकीय फिल्म ‘राम नाम सत्य’को छायांकन चितवनमा सुरु गरेका छन् । शुक्रबार चितवनको भरतपुर–११ जिरौनामा अवस्थित धर्मधाम मन्दिरमा क्यामेरा पूजा गरेपछि त्यहीँ फिल्मको पहिलो दृश्य खिचियो । चितवनमा करिब ८० प्रतिशत छायांकनको तयारी गरिएको छ । 

चर्चित कवि उपेन्द्र सुब्बाको निर्देशनमा बनेको फिल्म ‘जारी २’ शुक्रबारबाट प्रदर्शनमा आइसकेको छ । प्रदर्शनपूर्व बिहीबार साँझ काठमाडौंको बिग मुभिजमा फिल्मको प्रिमियर आयोजना गरिएको थियो । विभिन्न क्षेत्रका व्यक्तिहरूको उत्साहजनक उपस्थिति रहेको प्रिमियरमा फिल्मका कलाकारहरूले प्रस्तुत गरेको च्याम्ब्रुङ नाच मुख्य आकर्षण बनेको थियो ।