Nepal's No.1 Filmy Web Magazine

दयाहाङ राई नेपालका एक मात्र यस्ता कलाकार हुन्, जसले आदिवासी जनजाति समुदायको कथामा बनेका मूलधारका प्रायः फिल्ममा काम गरेका छन् । उनले राई, गुरुङ, लिम्बू, थारु जस्ता समुदायको पात्र निभाइसकेका छन् । यसैले पनि उनको परिचय ‘सांस्कृतिक नायक’को रूपमा बनेको छ । फरक-फरक समुदायको कथामा काम गर्न पाएकोमा उनी आफूलाई ‘लक्की’ ठान्छन् ।

‘हिँड्दा हिँड्दै’का निर्देशक मिलन आले मगरले नयाँ फिल्मको घोषणा गरेका छन् । उनको निर्देशनमा बन्ने फिल्मको नाम ‘पूरा भयो सपना मेरो’ राखिएको छ । आइतबार थिम पोस्टर सार्वजनिक गर्दै उनले फिल्मबारे जानकारी दिएका हुन् । 

यस वर्षको प्रथम चौमासिक अवधि (बैशाख, जेठ, असार र साउन) समाप्त भइसकेको छ । यो चार महिनामा लगभग दुई दर्जन बढी फिल्म प्रदर्शनमा आए । त्यसमध्ये जम्मा दुईवटा फिल्मले मात्र व्यावसायिक सफलता हासिल गरेका छन् । यस वर्षको पहिलो हिट फिल्म ‘ऊनको स्वीटर’ हो । यसले ११ करोडमाथि व्यापार गरेको थियो । अब ‘मोहर’ यस वर्षको दोस्रो हिट फिल्म बनेको छ ।

लभस्टोरी फिल्म निर्देशनमा अब्बल मानिएका दिनेश राउत ८ वर्षपछि आफ्नै जनरामा फर्किएका छन् । यो बीचमा सामाजिक कथामा ‘प्रसाद’, ‘पुजार सार्की’ जस्ता फिल्म बनाएका उनले अब लभस्टोरी फिल्म ‘कुमारी’ बनाउन लागेका हुन् । शुक्रबार साँझ काठमाडौंको टुँडिखेलमा एक सांगीतिक कार्यक्रमका बीच पोस्टर सार्वजनिक गर्दै यस फिल्मको निर्माण घोषणा गरियो । 

सन्तोष कुमार आत्रेयको निर्देशनमा बनेको फिल्म ‘शिवांश’ आगामी कात्तिक २७ गतेबाट प्रदर्शनमा आउने भएको छ । शुक्रबार फिल्मका निर्माताले एक पोस्टर सार्वजनिक गर्दै प्रदर्शन मितिबारे जानकारी दिएका हुन् । पोस्टरमा कैलाश पर्वततर्फ जाँदै गरेका महादेव (शिव) र साँढेको प्रतीकात्मक तस्वीर देखिन्छ । यसले धार्मिक कथावस्तुमा फिल्म बनेको संकेत गर्छ । 

अभिनेता अनमोल केसीको मुख्य भूमिका रहेको फिल्म ‘जेरी अन टप’को टिजरले युट्युबमा धमाका मच्चाएको छ । रिलिजको चार दिनमा युट्युबमा मात्र १५ लाख बढी अर्गानिक भ्यूज प्राप्त गरिसकेको टिजरले विश्वभर आफ्नो प्रभाव पनि देखाएको छ । यतिबेला फिल्मको टिजर नेपालसहित एक दर्जन बढी देशमा युट्युब ट्रेन्डिङको शीर्ष स्थानमा स्ट्रिमिङ भइरहेको छ ।