Nepal's No.1 Filmy Web Magazine
चन्द्र पन्तको निर्देशनमा बनेको फिल्म ‘आ बाट आमा’को शीर्ष गीत सार्वजनिक गरिएको छ । सोमबार काठमाडौंमा एक कार्यक्रमको आयोजना गर्दै निर्माण पक्षले ‘सृष्टिकै पहिलो नाम’ बोलको गीत दर्शकमाझ ल्याएको हो । रवि ओडको स्वर र बाबुल गिरीको शब्द तथा संगीत रहेको यस गीतले आमाको माया, समर्पण र छोराप्रतिको लगावलाई मर्मस्पर्शी रुपमा प्रस्तुत गरेको छ ।
काठमाडौं महानगरपालिकाका प्रमुख तथा र्यापर बालेन्द्र शाह (बालेन)को र्याप गायनमा फिल्म ‘झरिपछिको इन्द्रेणी’को ओएसटी सार्वजनिक भएको छ । बालेन स्वयंको युट्युब च्यानलमार्फत सार्वजनिक ‘आम नेपाली बुवा’ बोलको गीतले बुबाको संघर्ष, जिम्मेवारी र सन्तानसँगको भावनात्मक सम्बन्धलाई चित्रण गरेको छ । गीतमा बालेन स्वयंको शब्द छ ।
अभिनेत्री बेनिशा हमालको मुख्य भूमिका रहेको फिल्म ‘बिगुल’को आइतबार टिजर सार्वजनिक भयो । तर, अहिलेसम्म उनले आफ्ना कुनै सामाजिक सञ्जालमा टिजर सेअर गरेकी छैनन् । यसले गर्दा उनी फिल्मको टिमसँग असन्तुष्ट रहेको चर्चा चलिरहेको छ । यस्तैमा उनले सोमबार फेसबुकमा एक पोस्ट लेख्दै फिल्ममा नै नभएको विषय टिजरमा राखिएकोमा आपत्ति जनाएकी छन् ।
प्रणय दिवस (भ्यालेनटाइन डे)को छेको पारेर माघ २३ गतेबाट प्रदर्शन हुन लागेको फिल्म ‘कुमारी’को नयाँ पोस्टर सार्वजनिक गरिएको छ । फिल्मका मुख्य जोडी अभिषेक खड्का र आकृति राजभण्डारीलाई प्रसन्न मुद्रामा प्रस्तुत गरिएको पोस्टरले फिल्म प्रेमकथामा आधारित रहेको स्पष्ट पार्छ । पोस्टरमा उनीहरूको प्रेम र आत्मीयता झल्किएको छ ।
हास्य कलाकार अर्जुन घिमिरे (पाँडे)को निर्देशनमा बनेको फिल्म ‘झरीपछिको इन्द्रेणी’मा पुराना र नयाँ पुस्ताका कलाकारहरूको समिश्रण देख्न पाइन्छ । फिल्म क्षेत्रमा अग्लो कद बनाएका गणेश उप्रेतीदेखि जेनजी पुस्ताकी प्रियना आचार्य (मुन्नी)सम्मले यस फिल्ममा अभिनय गरेका छन् । यसैले फिल्मप्रति दर्शकमा उत्सुकता, चासो र अपेक्षा बढेको देखिन्छ ।
संसारमा कुनै कलाकारको करिअर एकनास हुँदैन । उतारचढाव सबैले भोगेका छन् । यसलाई सामान्य रूपमा लिइन्छ । अभिनेत्री वर्षा राउतको करिअर पनि यही वास्तविकताबीच अघि बढिरहेको छ । सुरुवाती दिनमा उनी निरन्तर सफल फिल्मको हिस्सा बनेकी थिइन् । चाहे त्यो ‘नाइँ नभन्नू ल ४’ होस् वा ‘छक्का पञ्जा’ या ‘जात्रा’ नै किन नहोस्, यी फिल्मले उनलाई दर्शकमाझ चिनाए ।
