Nepal's No.1 Filmy Web Magazine
गत शुक्रबारबाट प्रदर्शनमा आएको फिल्म ‘परान’ले सोमबारसम्म बक्स अफिसमा अपेक्षित व्यापार गर्न सकेन । चार दिनसम्म फिल्मको देशव्यापी अकुपेन्सी ३० प्रतिशत पनि थिएन । तर, दर्शकबाट सकारात्मक प्रतिक्रिया आउन थालेपछि मंगलबारबाट फिल्मले गति समातेको छ । बुधबार फिल्मको शो संख्या र अकुपेन्सी हेर्दा अब व्यावसायिक सफलता निश्चित देखिन्छ ।
कलाकार सन्तोष पन्तले २०७९ सालमा आफ्नो चर्चित टेलिभिजन सिरियल ‘हिजो आजका कुरा’को नाममा फिल्म बनाएका थिए । यसमा उनी आफैँ मुख्य भूमिकामा थिए भने निर्देशनको जिम्मेवारी उनका छोरा साकार पन्तले सम्हालेका थिए । फिल्ममा समावेश ‘माया जदौ’ गीत निकै लोकप्रिय बनेको थियो । तर, फिल्मले भने व्यावसायिक सफलता प्राप्त गर्न सकेन ।
शुक्रबारबाट देशभर एकसाथ प्रदर्शनमा आउन लागेका दुई नेपाली फिल्म ‘जारी २’ र ‘मन बिनाको धन’का लागि हलहरूले शो तालिका सार्वजनिक गर्दै अग्रिम टिकट बिक्री सुरु गरेका छन् । यी दुई फिल्ममध्ये शो संख्याका आधारमा ‘जारी २’ अग्रस्थानमा छ । बुधबार बिहान साढे १० बजेसम्म देशभर फिल्मलाई कुल १४३ शो उपलब्ध भएको खल्ती एपमा देखिन्छ ।
वसन्त निरौलाको निर्देशनमा बन्न लागेको नयाँ फिल्म ‘पाँच पाण्डव’को शुभमुहूर्त गरिएको छ । मंगलबार बिहान काठमाडौंको कमलादीस्थित गणेश मन्दिरमा शुभमुहूर्त गर्दै फिल्मका कलाकारहरूलाई पनि चिनाइयो । यसमा हरिवंश आचार्य, सीताराम कट्टेल (धुर्मुस), जितु नेपाल (मुन्द्रे), सागर लम्साल (बले), दीपाश्री निरौला र रजनी गुरुङको मुख्य भूमिका रहनेछ ।
स्वर्गीय निर्देशक शिव रेग्मीकी भान्जी एकता पौडेलको डेब्यु निर्देशनमा बनेको फिल्म ‘हर्ष’को ट्रेलर सार्वजनिक गरिएको छ । मंगलबार काठमाडौंमा एक कार्यक्रमको आयोजना गर्दै दर्शकमाझ ल्याइएको तीन मिनेट लामो ट्रेलरले वंश (उत्तराधिकारी)को विषयलाई केन्द्रमा राख्दै पारिवारिक सम्बन्धका भावनात्मक उतारचढावलाई मार्मिक रूपमा प्रस्तुत गरेको छ ।
‘केजीएफ’ स्टार यश चार वर्षपछि नयाँ फिल्म ‘टक्सिक’मार्फत पुनः पर्दामा फर्किँदैछन् । १९ मार्च २०२६ मा रिलिज हुन लागेको यो फिल्मले भारतीय बक्स अफिसमा नयाँ रेकर्ड बनाउने अपेक्षा गरिएको छ । फिल्मप्रतिको उच्च उत्साहका कारण यसले आगामी वर्षको रिलिज क्यालेन्डरमा समेत प्रभाव पारेको छ । मार्च र अप्रिलमा तय केही फिल्महरू स्थगित भइरहेका छन् ।
