Nepal's No.1 Filmy Web Magazine

गत फागुन अन्तिममा प्रदर्शन भएको ‘अञ्जिला’पछि कुनै नेपाली फिल्मले उत्साहजनक व्यापार गर्न सकेका छैनन् । ठूलो आशा गरिएका ‘वसन्त’, ‘पिताम्बर’ र ‘कर्मा’ले समेत अपेक्षित व्यापार गर्न सकेनन् । यतिबेला देशभरका अधिकांश हल सुनसान बनेका छन् । फिल्म प्रशस्त भएता पनि हलमा दर्शक छैनन् । यो खडेरी अब कुन फिल्मले तोड्छ, त्यो धेरैको पर्खाइको विषय बनेको छ ।

भारतीय नेपाली भाषी कवि तथा साहित्यकार इन्द्रबहादुर राईको कथामा आधारित भएर बनेको फिल्म ‘जार’को ‘ए ठूली’ बोलको गीत सार्वजनिक गरिएको छ । यसमा ‘काफ्ले’ गीतकी गायिका झुमा लिम्बूको स्वर छ । उनलाई गायनमा पवन गिरीले साथ दिएका छन् । गीतमा शब्द रचना हर्क साउदको छ भने संगीत गायिका लिम्बू स्वयंको छ । गीत लोकलयमा आधारित छ ।

कीर्तिमानी फिल्म ‘पूर्ण बहादुरको सारङ्गी’का निर्देशक सरोज पौडेलको नयाँ फिल्म ‘कोशेढुङ्गा’ आगामी भदौ १२ गतेबाट प्रदर्शनमा आउने भएको छ । बिहीबार निर्माण पक्षले फर्स्टलुक पोस्टर सार्वजनिक गर्दै प्रदर्शन मितिबारे जानकारी गराएको हो । उक्त मिति हरितालिका तीजको पर्सिपल्ट अर्थात् ऋषिपञ्चमीको दिन परेको छ ।

यही शुक्रबार अर्थात् बैशाख १२ गतेबाट प्रदर्शनमा आउन लागेको सस्पेन्स थ्रीलर फिल्म ‘खेल’ले प्रिमियरमा उत्साहजनक प्रतिक्रिया पाएको छ । बुधवार साँझ ठमेलको छायाँ सेन्टरस्थित क्युएफएक्स हलमा आयोजित प्रिमियरमा उपस्थित प्रायःले फिल्मको लेखन, छायाङ्कन, सम्पादन, कलर र फिल्मको टोन प्रशंसा गरे । कतिले हलिउड फिल्मसँग समेत तुलना गरेका थिए ।

‘बिग बोस १८’मा सहभागी भएपछि चर्चामा आएकी भारतीय अभिनेत्री चुम दराङले अब नेपाली फिल्ममा डेब्यु गर्ने भएकी छन् । उनले निर्माणको तयारीमा रहेको फिल्म ‘ऐरी’मा काम गर्न लागेकी हुन् । यसमा उनको जोडी अभिनेता प्रदीप खड्कासँग बाँधिनेछ । ‘बिग बोस’मा नजाँदै उनीसँग फिल्मका निर्माताले कागजी सम्झौता गरेका थिए । फिल्मका लागि अहिले उनी काठमाडौंमा छिन् ।

अभिनेता धीरज मगर र अभिनेत्री उपासना सिंह ठकुरीले पहिलो पटक एकसाथ काम गरेको फिल्म थियो, ‘खुस्मा’ । अघिल्लो वर्ष प्रदर्शनमा आएको यो फिल्ममा उनीहरूको जोडीलाई दर्शकले निकै रुचाए । फिल्म रिलिजको संघारमा प्रेम सम्बन्धको चर्चा पनि चल्यो । अब फेरि यो जोडीलाई एउटै फिल्ममा देख्न पाइने भएको छ । फिल्म ‘जलाकी’मा उनीहरूको जोडी बाँधिन लागेको हो ।