Nepal's No.1 Filmy Web Magazine

संविधान दिवसको दिन पारेर यही असोज ३ गते प्रदर्शन हुने भनिएको फिल्म ‘जारी २’ पूर्वनिर्धारित मितिबाट एक महिना पछाडि सरेको छ । मंगलबार निर्माता कम्पनी बाँसुरी फिल्म्सले दुईवटा पोस्टर सार्वजनिक गर्दै आगामी कात्तिक ६ गते (भाइटीका)लाई नयाँ प्रदर्शन मिति घोषणा गरेको हो । 

नेपाली कथावाचनका चर्चित नाम हुन्, साइग्रेस पोखरेल । मीठासपूर्ण कथावाचन शैलीका कारण ‘सेलिब्रेटी’ छवि बनाएका उनी अब अभिनेताको रुपमा ठूलो पर्दामा देखिँदैछन् । चन्द्र पन्तको निर्देशनमा बनिरहेको नयाँ फिल्म ‘आ बाट आमा’बाट उनले डेब्यु गर्न लागेका हुन् । सोमबार स्पेनको बार्सिलोनाबाट नेपाल आएका उनले मंगलबार चितवनमा फिल्मको छायांकन सुरु गरेका छन् ।

गत भदौ २३ र २४ गते भएको जेनजी आन्दोलन र त्यसपछि उत्पन्न परिस्थितिका कारण एक साता देशका सबै क्षेत्र प्रभावित भए । त्यसबाट फिल्म क्षेत्र पनि अछुतो रहन सकेन । आन्दोलनकै कारण हलहरु बन्द भए । प्रदर्शनको तयारीमा रहेका र छायांकन भइरहेका फिल्म समेत रोकिए । गत शुक्रबार अन्तरिम सरकार गठन भएपछि भने फिल्म क्षेत्रमा फेरि चहलपहल सुरु भएको छ ।

यसपालिको दशैंको फूलपाती (१३ असोज)मा प्रदर्शन हुन लागेको फिल्म ‘बलिदान’को शीर्ष गीत (ओएसटी) सार्वजनिक गरिएको छ । लिरिकल शैलीमा तयार पारिएको उक्त गीतमा सुजन चापागाईँको स्वर र संगीत रहेको छ भने हर्क साउदले शब्द लेखेका हुन् । गीतको संगीत संयोजन कोविद बज्रले गरेका छन् भने विवेक झा, कृति नेपाली र कोविद बज्रले ब्याक–भोकल दिएका छन् ।

जेनजी आन्दोलनले उग्र रुप लिएपछि भदौ २४ गते (मंगलबार)देखि बन्द रहेका देशभरका हलहरू पुनः सञ्चालनमा आएका छन् । हलवाला र वितरकहरूको छाता संस्था नेपाल चलचित्र संघको आइतबार बसेको बैठकले आवश्यक सुरक्षा सतर्कता अपनाएर हल खोल्ने निर्णय गरेपछि सोमबारदेखि हलहरू सुचारु भएका हुन् ।

यसपालिको दशैंको फूतपाती (असोज १३ गते) आउन अब दुई साता मात्र बाँकी छ । तर, यो मितिमा फिल्म रिलिज गर्न अझै हानाथाप रोकिएको छैन । अब फूलपातीकै दिन सस्पेन्स थ्रिलर फिल्म ‘अभिमन्युः च्याप्टर वान’ पनि रिलिज हुने पक्का भएको छ । सोमबार निर्माता कम्पनी सेभेन सिज सिनेमाले एक विज्ञप्ति जारी गर्दै नयाँ प्रदर्शन मिति घोषणा गरेको हो ।