Nepal's No.1 Filmy Web Magazine
सन् २००४ मा फिल्म एन्ड टेलिभिजन इन्स्टिच्युट अफ इन्डिया (एफटीआईआई) मा चार वर्ष ‘सिनेम्याट्रोग्राफी’ को कोर्ष लिएका आलोक शुक्ला अहिले नेपाली फिल्मका डिमान्डेड छायाँकार मध्येका एक हुन् । दर्जन बढी बलिउड र मराठी फिल्ममा सहायक छायाँकारको रुपमा काम गरेका उनले निर्माता सुनिल रावलको फिल्म ‘लाउरे’ बाट नेपाली फिल्म क्षेत्रमा औपचारिक रुपमा छायाँकारको रुपमा प्रवेश गरेका थिए । यद्यपि, यो फिल्म अहिलेसम्म प्रदर्शनमा आउन सकेको छैन । तर, उनलाई यसपछि कामको कमी भएको छैन ।
सुपरहिट फिल्म ‘म यस्तो गीत गाउँछु’ को सिक्वेलमा अभिनेत्री पूजा शर्मा र अभिनेता पल शाहको जोडी बाँधिएको छ । मनछुने लभस्टोरी फिल्म बनाउन सिपालु निर्देशक सुदर्शन थापा र अभिनेता पलको सम्बन्ध विग्रिएपछि ‘म यस्तो गीत गाउँछु २’ नबन्न नसकेको चर्चा लामो समयदेखि फिल्मवृतमा चल्दै आएको थियो ।
आगामी साउन १० गतेबाट प्रदर्शनमा आउन लागेको फिल्म ‘एकलव्य’ को अफिसियल ट्रेलर सार्वजनिक भएको छ । ट्रेलर एक्सनले भरिपूर्ण छ । अनमोल शर्मा निर्देशित फिल्मको ट्रेलरमा गुण्डागर्दी, अपहरण, हत्या, भ्रष्टाचारजस्ता अहिलेका जल्दाबल्दा समस्या प्रस्तुत गरिएको छ । प्रेम र रोमान्सलाई पनि विशेष स्थान दिइएको छ ।
कुनै पनि भिडियो सामाग्रीको सफलता र असफलता मापन गर्ने तराजुको रुपमा लिने गरिएको छ, युट्युब ट्रेन्डिङ । फिल्म, गीतसंगीत वा अन्य विषयमा बनेका भिडियो ट्रेन्डिङमा परे सफलता मानिन्छ । नभए, असफलको ट्याग झुण्डिन्छ । त्यसैले जो कोही आफ्नो भिडियो सामाग्रीलाई युट्युब ट्रेन्डिङमा ल्याउन अनेकन उपायहरु अपनाउँछन् । प्रायः डलर तिरेर 'बुस्ट' गर्छन् । तर, कतिपय यसलाई अस्वस्थ प्रतिस्पर्धा मान्दछन् ।
साउथ सुपरस्टार प्रभास अभिनीत फिल्म ‘साहो’ का कारण पूर्वघोषित मिति (साउन ३०) बाट एक हप्ता पछाडि सरेर भाद्र ६ पुगेको भेट्रान निर्देशक विकासराज आचार्य निर्देशित फिल्म ‘हजार जुनीसम्म’ को पहिलो गीत ‘एमजी रोडैमा’ सार्वजनिक भइसकेको छ । यो गीतलाई दर्शकले निकै मन पराएका छन् । अब, निर्माण टिम केही दिनमा दोस्रो गीत सार्वजनिक गर्ने तयारीमा छ ।
विदेशी फिल्मको कथा र प्लट टिपन-टापन गरेर थुप्रै नेपाली फिल्म बनेका छन् । तर, कुनै कपी राइट्स लिएर बनेका होइनन् । तात्तातो उदाहरण अभिनेता प्रदीप खड्का स्टारर फिल्म ‘लभ स्टेशन’ हो । यो फिल्म एक टर्किस फिल्मको हुबहु फोटोकपी हो । तर, यसका निर्माताले उक्त फिल्मको टिमबाट कपी राइट्स लिएको थिएनन् । चोरेर बनाइएको थियो । कुनै पनि फिल्मको कथामा फिल्म बनाउँदा रिमेक अधिकार खरिद गर्नुपर्छ ।
