Nepal's No.1 Filmy Web Magazine
बेलायतका १० मध्ये ८ जना व्यक्ति फिल्म हेरिसकेपछि मात्र कुन स्थान घुम्न जाने भन्ने निर्णय लिने गरेको बताइन्छ । फिल्मले पर्यटन प्रवद्र्धनमा ठूलो भूमिका खेल्नसक्छ भन्ने यो एउटा उदाहरण हो । तर, नेपालमा ‘ए ग्रेड’ का विदेशी फिल्म छायांकन हुन सकेका छैनन् । फिल्म छायांकनका लागि अनुमति लिन एकद्धार नीति नहुँदा विदेशी फिल्ममेकर नेपाल आउन हत्तपत्त चाहँदैनन् ।
दुई वर्षअघि प्रदर्शनमा आएको फिल्म ‘कान्छी’ पछि पर्दामा नदेखिएकी अभिनेत्री श्वेता खड्का क्यान्सर अस्पताल निर्माणमा जोडिएकी छन् । उनीसहित क्यान्सर रोग विशेषज्ञ डाक्टरहरुको समुहले गोदावरी नगरपालिकाको छम्पीमा निर्माण गर्न लागेको नेशनल हस्पिटल एण्ड क्यान्सर रिसर्च सेन्टरको सोमवार शिलन्यास गरिएको छ । अस्पतालको निर्माण दुई वर्षभित्र पूरा हुनेछ ।
म्यूजिक भिडियो निर्देशक कमल एकचै मगरको निर्देशनमा फिल्म ‘डेसान’ बन्ने भएको छ । यही बुधवारबाट छायांकनमा जान लागेको यो फिल्मबाट निशान चौहानले नायकको रुपमा डेब्यू गर्दैछन् । ‘म्यानहन्ट नेपाल २०१६’ का मिष्टर पर्सनालिटी तथा ‘टप मोडल नेपाल २०१८’ का विजेता समेत रहेका उनी बाल्यकालदेखिको हिरो बन्ने सपना ‘डेसान’ बाट पूरा हुन लागेकोमा खुसी छन् ।
रोहित शेट्टी निर्देशित फिल्म ‘सूर्यवंशी’ को ट्रेलर सार्वजनिक भएको छ । लामो समयदेखि दर्शकमाझ यो फिल्मको ट्रेलरको प्रतिक्षा थियो । अभिनेता अक्षय कुमारको यो फिल्ममा ‘सिंघम’ उर्फ अजय देवगन र ‘सिम्बा’ उर्फ रणवीर सिंह पनि देखिँदैछन् । त्यस्तै, अभिनेत्री कटरीना कैफसँग अक्षयको केमेस्ट्री एकपटक फेरि पर्दामा देखिनेछ । ‘सूर्यवंशी’ को ट्रेलर जबरजस्त बनेको छ ।
दशैंको विदामा फिल्म प्रदर्शन गर्दा लगानी उठ्ने लगभग ग्यारेन्टीझैँ हुन्छ । दशैंमा लामो विदा हुने भएका कारण दर्शकको ठूलो भीड हलसम्म आउने सोचाइले नेपाली निर्माताबीच दशैं विदामा फिल्म प्रदर्शन गर्न हानाथाप हुने गरेको छ । यस वर्षको दशैंको घटस्थापना र फूलपातीमा पनि फिल्म प्रदर्शनका लागि ठूलो रस्साकस्सी भएको थियो । तर, कुनै फिल्मबीच भिडन्त भने भएन ।
अभिनेता अनमोल केसीलाई लिएर फिल्म ‘कृ’ को निर्देशन गरेका सुरेन्द्र पौडेल यतिबेला नयाँ फिल्मको तयारीमा छन् । चैत पहिलो हप्ताबाट छायांकन सुरु हुने बताइएको फिल्मको यही बिहीवार औपचारिक निर्माण घोषणा गरिँदैछ । प्राप्त जानकारी अनुसार, फिल्मको नाम ‘बेन्जो’ राखिएको छ । तर, निर्देशक पौडेलले फिल्मको नाम र कास्टलाई लिएर कुनै जानकारी दिएका छैनन् ।
