Nepal's No.1 Filmy Web Magazine
‘इन्टु मिन्टु लण्डनमा’ बाट डेब्यू गरेका अभिनेता धिरज मगरको फिल्ममा प्रवेश गर्नुभन्दा अगाडि नै राम्रो क्रेज थियो । यूट्युब भ्लगबाट राम्रो फ्यान कमाएका उनलाई फिल्ममा पनि दर्शकले निकै रुचाए । डेब्यू फिल्ममा उनको अभिनयको निकै प्रशंसा भएको थियो । कतिपयले अभिनेता द्वय अनमोल केसी र प्रदीप खड्कालाई उनी थ्रेट हुनसक्ने समेत विश्लेषण गरेका थिए ।
लगातार फिल्म असफल भएर पनि व्यस्ततामा कुनै कमी नआएकी अभिनेत्रीमा पर्छिन्, केकी अधिकारी । फिल्म ‘स्वर’ बाट अभिनयमा डेब्यू गरेकी यी सुन्दरीले एक दशक लामो फिल्मी करिअरमा पहिलो हिट फिल्म दिइन्, ‘छ माया छपक्कै’ । २५ वटा सुपरफ्लप फिल्मपश्चात् उनको खातामा हिट फिल्म परेको हो । यद्यपि, यो फिल्म हिट भए पनि उनले क्रेडिट भने पाइनन् ।
अक्षय कुमार र करीना कपूर खान स्टारर फिल्म ‘गुड न्यूज’ लाई दर्शक र समीक्षकबाट सकारात्मक प्रतिक्रिया मिलेको छ । प्रदर्शनको पहिलो दिन १७ करोड ५६ लाखको कमाई गर्दै सानदार ओपनिङ गरेको यो फिल्मले पहिलो विकेन्डमा बक्सअफिसमा ५० करोडको आँकडा पार गर्न सफल भएको थियो । यसबीच, प्रदर्शनको ६ दिनमा फिल्म सय करोड क्लबमा प्रवेश गरेको छ ।
विश्वमै लोकप्रिय बनेको टिकटकबाट नेपालमा धेरै सेलिब्रेटी जन्मिसकेका छन् । जुम्ल्याहा दिदी बहिनी प्रिज्मा र प्रिन्सी खतिवडा पनि टिकटकबाटै ‘स्टार’ भएका हुन् । यी दिदी बहिनीले एकसाथ बनाएको टिकटक भिडियोलाई लाखौंले हेर्ने गरेका छन् । उनीहरुको एक्सप्रेसन र सुन्दरताको हजारौं दिवाना छन् । यी ‘ट्वीन्स गर्ल’ लाई मन पराउनेहरु नेपालीसँगै विदेशीहरु पनि छन् ।
कलाकारिता क्षेत्रमा जमेको नाम हो, सिताराम कट्टेल ‘धुर्मुस’ र कुञ्जना घिमिरे ‘सुन्तली’ । तर, २०७२ सालमा नेपालमा आएको महाभूकम्पपछि उनीहरुको बाटो मोडियो । भूकम्पपछि भूकम्प पीडितहरुका लागि आवास पूननिर्माण र सामाजिक कार्यमा होमिएपछि यो जोडीले अभिनयबाट दूरी बनाए । तीन ठाउँमा बस्ती निर्माण गरिसकेका ‘धुर्मुस-सुन्तली’ गएको केही महिनायता चितवन भरतपुरमा अन्तर्राष्ट्रिय स्तरको गौतम बुद्ध क्रिकेट रंगशाला निर्माणमा खटिएका छन् ।
लगातार फिल्म असफलता भएपछि पलायनको बाटो रोज्ने नेपाली सेलिब्रेटीको भीडमा अट्छन्, अभिनेता जीवन लुईंटेल । एक समय नेपाली फिल्ममा आफ्नो बलियो साम्राज्य बनाएका उनी गएको दुई वर्षयता परिवारसहित अमेरिकामा बस्दै आएका छन् । असफल फिल्मको संख्यामा पूर्णविराम नलाग्नु र फिल्म अफर हुन छाडेपछि उनी अमेरिका भााँसिएको कतिपयको टिप्पणी छ ।
