Nepal's No.1 Filmy Web Magazine

अभिनेत्री सारा अली खान र अभिनेता कार्तिक आर्यनको शुक्रवारबाट प्रदर्शनमा आएको फिल्म ‘लभ आज कल’ ले तेस्रो दिन अपेक्षाकृत व्यापार गर्न चुकेको छ । फिल्मले विकेन्डको अन्तिम दिन (आइतवार) आठ करोड दश लाख मात्र छापेको छ । पहिलो विकेन्डमा कमाईको मामलामा कार्तिक आर्यनको यो फिल्म ‘पति पत्नी और वो’ र ‘लुका छुपी’ भन्दा पनि पछाडि परेको छ । 

यही शुक्रवारबाट प्रदर्शनमा आउन लागेको यस वर्षको प्रतिक्षीत फिल्म ‘आमा’ र ‘छक्का पञ्जा’ टिमले तत्कालीन चलचित्र विकास बोर्डका अध्यक्ष तथा कलाकार स्वर्गीय केशव भट्टराईको परिवारलाई आर्थिक सहयोग गरेको छ । ‘आमा’ निर्मात्री शर्मिला पाण्डेले आइतवार राजधानीमा एक कार्यक्रमका बीच स्व. भट्टराईकी श्रीमतीलाई एक लाख एक हजार सहयोग हस्तान्तरण गरिन् । 

बलिउड अभिनेत्री सन्नी लियोनीले नृत्य गरेको नेपाली फिल्म ‘पासवर्ड’ को निर्माण कम्पनी एवी इन्टरनेशनलले डान्स बेस्ड फिल्म बनाउने भएको छ । ‘वोर्न टू डान्स’ नाम राखिएको फिल्मलाई अमन तामाङले निर्देशन गर्दैछन् । अर्को वर्ष प्रदर्शन गरिने फिल्मलाई अमित बस्नेत, अजित केआर थापा र परी रानाले निर्माण गर्नेछन् । फिल्म वास्तविक कथामा निर्माण हुने बताइएको छ ।

यही फागुन ९ गतेबाट प्रदर्शनमा आउन लागेको फिल्म ‘सेन्टी भाइरस’ को दोस्रो गीत सार्वजनिक भएको छ । केही दिन अगाडि मात्र चितवनमा निर्माणाधिन ‘अन्तर्राष्ट्रिय गौतम बुद्ध क्रिकेट रंगशाला’ मा छायांकन गरिएको ‘आफ्नो पार्टी जिताइदे’ बोलको गीतमा प्रमोद खरेल र विद्या मञ्जु तिवारीको संयुक्त गायन रहेको छ भने हर्क साउदको शब्द र सुशान्त गौतमको संगीत छ । 

प्रणय दिवसको अवसर पारेर प्रदर्शनमा आएको त्रिकोणात्मक प्रेमकथामा निर्मित तथा सौरभ चौधरी निर्देशित फिल्म ‘लभ डायरीज’ ले दर्शकको राम्रो साथ पाएको छ । शुक्रवार देशभर औसत व्यापार गरेको फिल्मले शनिवार सिंगल र मल्टीप्लेक्स दुवैतर्फ ६५ प्रतिशत अकुपेन्सी कायम गरेको रिपोर्ट प्राप्त छ । वितरकले शनिवार फिल्म देशैभर हाउसफुल भएको जानकारी दिएका छन् ।