Nepal's No.1 Filmy Web Magazine
अंकित पौडेलले निर्देशन गरेको फिल्म ‘सङ अफ दि क्लाउड’ इटालीको फिल्म फेस्टिभलमा पुरस्कृत भएको छ । मृत्युपछिको जीवनलाई कल्पना गरी बनाइएको फिल्मले एसोलो आर्ट फिल्म फेस्टिभलमा आर्ट फिल्म विधातर्फ पुरस्कार जितेको हो । विजेता बनेको यो फिल्मले ५ सय युरो प्राप्त गरेको छ । आफू निर्देशित फिल्म पुरस्कृत भएकोमा अंकितले खुसी व्यक्त गरेका छन् ।
केही वर्षयता सिक्वेल निर्माणतर्फ नेपाली निर्माताहरुको आकर्षण बढ्दो छ । ‘ए मेरो हजुर’, ‘छक्का पञ्जा’, ‘नाईं नभन्नू ल’ लगायतका फिल्मका सिक्वेलले बक्सअफिसमा पाएको सफलताका कारण निर्माताहरु हिट फिल्मको सिक्वेलमा लगानी गर्न अगाडि सरिरहेका छन् । नयाँ फिल्मभन्दा सिक्वेलमा लगानी डुब्ने खतरा कम हुन्छ । दर्शकमा पनि सिक्वेलप्रति चासो बढी हुने गरेको छ ।
अभिनेत्री द्वय तापसी पन्नू र कंगना रनावटबीचको विवादले यतिबेला बलिउड तरंगित भएको छ । कंगनाले तापसीलाई ‘बी-ग्रेड’ अभिनेत्री भनेकी थिइन् । यसपछि उनीहरुबीच वार चलेको हो । तापसीले आफ्नो अन्दाजमा कंगनालाई जवाफ दिइरहेकी छन् । उनले केही समय अगाडि एक अन्तर्वार्तामा कसैको मृत्युलाई आफ्नो नीजि फाइदाका लागि प्रयोग गर्न नमिल्ने बताएकी थिइन् ।
चार महिना लामो लकडाउन अन्त्य भए पनि फिल्म क्षेत्रमा प्रतिबन्ध कायमै छ । अन्य क्षेत्र खुल्ला गरेर फिल्म क्षेत्रमा प्रतिबन्ध लगाएकोमा फिल्मकर्मीहरु आक्रोशित छन् । अर्थ र सञ्चार तथा सूचना प्रविधि मन्त्री डा. युवराज खतिवडाले भने फिल्म क्षेत्र चलायमान बनाउन छलफल भइरहेको बताएका छन् । यो क्षेत्र पुनः सञ्चालनका लागि सरकार गम्भीर रहेको उनको भनाई छ ।
कोरोनाको संक्रमण फैलिन नदिन सरकारले चार महिना लकडाउन गर्दा सबै कलाकारहरु कामविहीन भए । गएको मंगलबारबाट लकडाउन पूर्ण रुपमा अन्त्य भएको छ । योसँगै विभिन्न क्षेत्र सञ्चालनमा आएका छन् । तर, फिल्म क्षेत्रमा प्रतिबन्ध कायमै छ । भीडभाड हुने क्षेत्र भएकाले पनि संक्रमण फैलने डरले तत्काल यो क्षेत्र खोल्ने जोखिम सरकारले उठाउन सकेको छैन ।
काँचको पर्दामा जमेका कलाकारहरुको म्यूजिक भिडियोप्रति मोह बढ्दो छ । एकै दिनमा छायांकन सकिने, आकर्षक पारिश्रमिक पाइने र प्रचारमा हिँड्नु नपर्ने काइदाका कारण अपबाद बाहेक प्रायः कलाकारहरु अफर भएका म्यूजिक भिडियोहरु उम्काउँदैनन् । अघिल्लो पुस्ताका राजेश हमालदेखि नयाँ छिमलका प्रदीप खड्कासम्मले म्यूजिक भिडियोमा उपस्थिति जनाइसकेका छन् ।
