Nepal's No.1 Filmy Web Magazine
अभिनेत्री निशा अधिकारीले निर्माण गरेको फिल्म ‘झ्यानाकुटी’ ले बक्सअफिसमा सुखद नतिजा हात पार्न सकेको थिएन । अभिनेता सौगात मल्ल र अभिनेत्री बेनिशा हमालको बैबाहिक जीवनमा उत्पन्न हुने समस्यामा फिल्म केन्द्रित थियो । सिमोस सुनुवार निर्देशित यो फिल्मको अब दोस्रो सिरिज निर्माण हुने भएको छ । लेखक प्रदीप भारद्धाजले फिल्मको स्क्रिप्ट तयार पारिसकेका छन् ।
फिल्म ‘टलकजंग भर्सेस टुल्के’ पछि निर्देशक तथा अभिनेता निश्चल बस्नेत फिल्म ‘दिमाग खराब’ बनाउने तयारीमा थिए । तर, चलचित्र विकास बोर्डबाट निर्माण इजाजत नै नलिइ फिल्मको घोषणा गरेपछि यो नाम अर्कै कम्पनीले दर्ता गर्यो । यसपछि निश्चलले ‘लुट २’ निर्देशन गरे । बोर्डमा नाम दर्ता गराएको तीन वर्षसम्म फिल्म नबने निर्माण इजाजत स्वतः रद्द हुने प्रावधान छ ।
‘केजीएफ’ कन्नड फिल्म इन्डस्ट्रीका लागि माइलस्टोन साबित भएको थियो । लामो समयदेखि दर्शकहरु यो फिल्मको सिक्वेलको प्रतिक्षा गरेर बसेका छन् । कन्नड सुपरस्टार यशको अभिनय गरेको फिल्मको सिक्वेलमा बलिउड सुपरस्टार सञ्जय दत्तको पनि अभिनय छ । यसमा उनी खतरनाक भिलेनको भूमिकामा छन् । बुधवार उनको क्यारेक्टर पोस्टर सार्वजनिक गरिएको छ ।
अपबादबाहेक प्रायः युवा-युवतीको ठूलो पर्दामा जम्ने सपना हुन्छ । छोटो समयमा नाम र दाम कमाइने क्षेत्र भएकाले पनि अभिनयतर्फ रुची हुनु स्वभाविक हो । तर, बाहिरबाट देखेजस्तो चकाचक छैन, फिल्म क्षेत्र । फिल्ममा प्रवेश गर्न जति गाह्रो छ, टिक्न त्योभन्दा गाह्रो हुन्छ । वर्षेनी फिल्ममा भविष्य देखेर आउने कतिको सपना अपुरै रहन्छ त कतिको सम्भव पनि भएको छ ।
गएको महिना भारतको चर्चित अनलाइन पत्रिका ‘आजतक’ ले ‘बलिउडमा नाम कमाएका नेपाली कलाकार यी हुन्’ भनेर एउटा आर्टिकल लेखेको थियो । त्यसमा मनीषा कोइराला, सुनिल थापा, उदितनारायण झासँगै भोलाराज सापकोटाको बारेमा पनि उल्लेख गरिएको थियो । रंगमञ्च र सिरियल हुँदै फिल्ममा प्रवेश गरेका उनले फिल्म ‘बर्फी’ बाट बलिउडको सदस्यता लिएका थिए ।
अभिनेता सुशान्त सिंह राजपूतले आत्महत्या गरेपछि बलिउडमा नेपोटिज्मको आँधी उठ्यो । त्यसको बाछिटा नेपाली फिल्मसम्म आइपुग्यो । अभिनेत्री नम्रता सापकोटाले नेपोटिज्मका कारण धेरै प्रतिभावान कलाकार डिप्रेसनको शिकार भएको बताएपछि यस विषयमा विभिन्न फिल्मकर्मीहरुले आफ्नो विचार राखे । ‘महानायक’ विवादपछि भने अहिले यो विषय लगभग सेलाएको छ ।
