Nepal's No.1 Filmy Web Magazine
सरकारले कोरोना संक्रमण रोकथामका लागि लकडाउन गरेपछि ठप्प रहेको फिल्म क्षेत्र विस्तारै जुरमुराउन थालेको छ । केही दिन अगाडि सात महिनापछि एक कार्यक्रमका बीच फिल्म घोषणा भयो । अन्य निर्माता तथा निर्देशकहरुले पनि सामाजिक सञ्जालको माध्यमबाट नयाँ फिल्मको घोषणा गरिरहेका छन् । यद्यपि, सरकारले फिल्म निर्माणको अनुमति भने दिएको छैन ।
बलिउड अभिनेता सुशान्त सिंह राजपूतको मृत्यु रहस्यमयी बनेको छ । १४ जुनमा आफ्नो अपार्टमेन्टमा मृत भेटिएका उनको परिवारले अभिनेत्री रीया चक्रवर्तीमाथि गम्भीर आरोप लगाएको छ । अहिले उनी ड्रग्स मुद्धाका कारण जेलमा छिन् । उनलाई लिएर यतिबेला बलिउड दुई गुटमा विभाजित छ । यस्तैमा केही निर्माता-निर्देशक भने उनको बायोपिक निर्माणमा जुटेका छन् ।
९३औं एकेडेमी अफ मोशन पिक्चर आर्टस् एन्ड साइन्सेस (अस्कर अवार्ड) मा सहभागिताका लागि नेपालको अन्तर्राष्ट्रिय फिचर फिल्म छनोट समितिले आवेदन खुल्ला गरेको छ । समितिले सोमबार एक विज्ञप्ति जारी गर्दै अस्करमा प्रतिस्पर्धा गर्न इच्छुक नेपाली फिल्मकर्मीले असोज १३ गतेदेखि असोजको २९ गतेभित्र नेपालको अस्कर कमिटीलाई फिल्म बुझाउन आग्रह गरेको छ ।
निर्देशक मिलन चाम्सलाई फिल्म बनाउने मेशिन भन्ने गरिन्छ । एउटा फिल्म निर्माण नहुँदै उनले नयाँ फिल्मको घोषणा गरिसकेका हुन्छन् । अहिले उनको पाइपलाइनमा ‘गोर्खा वारियर, बोबी २’ लगायत केही फिल्म छन् । ‘हँसिया’ बाट निर्देशकिय यात्रा आरम्भ गरेका उनले त्यसयता ‘वीर विक्रम, ब्लाइन्ड रक्स, लिलिबिली, बोबी, ह्याप्पी डेज, वीर विक्रम २’ को निर्देशन गरिसकेका छन् ।
तुलसी घिमिरेले निर्देशन गरेका अब्बल फिल्ममध्ये एक हो, ‘दर्पण छायाँ’ । २००१ मा निर्माण भएको फिल्ममा निरुता सिंह, दीलिप रायमाझी र उत्तम प्रधानको प्रमुख भूमिका थियो । मित्रता, प्रेम र बलिदानको कथामा बनेको यो फिल्म आजका दिनमा पनि दर्शकको मनमा बसेको छ । निरुता, दीलिप र उत्तमसँगै नेपाली फिल्म क्षेत्रका लागि यो फिल्म कोशेढुंगा सावित भएको थियो ।
अभिनेता अनमोल केसी र अभिनेत्री सुहाना थापा स्टारर फिल्म ‘ए मेरो हजुर ४’ मा अहिलेका चर्चित गायक तथा मोडल दुर्गेश थापाको प्रवेश भएको छ ।
