डायमण्ड शम्शेरको पुस्तक ‘सेतो बाघ’ माथि केन्द्रित फिल्म ‘सेतो बाघ’ को छायाँकन यसै साता सम्पन्न भएको छ । निर शाहले निर्देशन गर्दै गरेको ‘सेतो बाघ’ को सुटिङ सक्न ५१ दिन लाग्यो ।
‘सेतो बाघ’ लाई काठमाण्डौं र चितवनका क्षेत्रमा छायाँकन गरिएको छ । जहानियाँ शासन प्रणाली र राणा कालको अन्त्य कसरी भयो ? भन्ने बारे ‘सेतो बाघ’ मा देखाइएको छ । कडा शासक भनेर चित्रण गरिएका जंगबहादुर राणाको भूमिकामा वियस राणा प्रस्तुत भएका छन् । सँगै राजाराम पौडेल, रवि गिरी, पवन मैनालीको पनि ‘सेतो बाघ’ मा मुख्य भूमिका रहेको छ ।
‘सेतो बाघ’ का छायाँकार संजय लामा हुन् । निर्देशक निर शाहले चाँडै नै ‘सेतो बाघ’ को ट्रेलर सार्वजनिक गर्ने जानकारी दिए । ऐतिहासिक विषयमा फिल्म निर्देशन गर्न रुचाउने निर शाहको पहिलो कर्मसियल फिल्म ‘अकाल’ यही वैशाख महिनाको तेश्रो साता प्रदर्शन हुने कुरा छ ।
