फिल्मी जमघटमा दुर्लभ देखिने अभिनेत्री रेखा थापा प्रदर्शनरत फिल्म ‘आधी बाटो’को प्रेस शोमा भने सहभागी भइन् । निर्देशक सविर श्रेष्ठको निमन्त्रणमा रेखा कमलादीस्थित कुमारी हलमा पुगेकी थिइन् ।
रेखा पुरै फिल्म हेरेर बाहिरिएकी थिइन् । ‘आधी बाटो’को शोमा विशेष ‘नोटिस’ हुन पुगेकी रेखा ‘आधी बाटो’ कै अभिनेता यश कुमारसँग शो अवधीभर नै बोलिन् । यी दुईले एक अर्कालाई कर्के नजरले समेत हेरेनन् । एक अर्काको नजिक नपर्न यी दुई तर्किए झै देखिन्थें ।
रेखा र यश आफ्नै झुण्ड बनाएर गफ दिन व्यस्त देखिन्थें । आफ्नै फिल्म हेर्न आएकी रेखालाई यशले किन बोलाएनन् ? रेखा किन बोल्न गइनन् ? बोल्ती एकआपसमा बन्द हुनुमा फिल्म निर्माण गर्ने योजनाले फेल खाएपछि भएको भन्ने बजारिमा सुनिने गरेपनि खास कारण खुल्न सकेको छैन ।
रेखा र यशले ‘बाटो मुनिको फूल’ र ‘वीर’ फिल्ममा एकसाथ अभिनय गरेका छन् । ‘आधी बाटो’ कस्तो लाग्यो ? भन्ने प्रश्नमा निर्देशक सविर श्रेष्ठ र अभिनेता सविन श्रेष्ठको काम अब्बल रहेको रेखाको प्रतिक्रिया थियो ।
