फिल्मी बजारमा अफयेर रहेको हल्ला व्यापक भैरहँदा अभिनेत्री सौजन्य सुब्बा र भूपेन चन्दले अभिनय गरेको फिल्म ‘माया गर ल’को साँगीतिक भिडियो सार्वजनिक भएको छ । रियलमा जोडी जमाईरहेका भूपेन र सौजन्यले रिलमा भने स्वर्गद्वारी माईसँग जोडी जमाइदिन आग्रह गरेका छन् ।
‘राप्ती तरेसी’ बोलको भिडियोमा सौजन्य र भूपेनसँगै कलाकारद्धय मुकेश ढकाल र ऋचा सिंह ठकुरी देखिएका छन् । संगीत सुरेश अधिकारीको संगीत छ । स्वर उत्तम लिम्वु र भगवती परियारले दिएका छन् । फिल्मका निर्देशक मदन घिमिरेले नै गीतको लागि शब्द तयार गरेका छन् । रामकेशर वोगटी र मदन घिमिरेको संयुक्त लगानी रहेको फिल्म ‘माया गर ल’ आउँदो वैशाख १२ गते अल नेपाल प्रदर्शन हुंदैछ ।
