निर्माता तथा अभिनेता पवन मैनाली एघार बर्ष पछि पुन: एक्सन कटमा देखिए । २०५९ साल फागुन ८ गते बारा जिल्लाको निजगढमा भएको ठूलो दुर्घटना पछि फिल्मी करियरबाट टाढिएका पवनले नीर शाहको निर्देशनमा बनिरहेको फिल्म 'सेतो बाघ'मा अभिनय गरेका छन् ।
'सेतो बाघ'मा श्री ५ राजेन्द्रको भूमिका निभाएका पवनले सुटिङ सेटमा सबैलाई रुवाउने गरी आफ्नो बेदना पोखे । शारीरिक रूपमा कमजोर रहेका पवनलाई निर्देशक शाहले सजिलै अभिनय गराए । ’उहाँको अवस्था अहिले जस्तो छ त्यस्तै भूमिकामा उतारेको छु,’ निर्देशक शाहले भने,' उहाँको अभिनय क्षमता अद्भूत छ ।
करिब १ सय को संख्यामा फिल्ममा अभिनय गरिसके ४७ बर्षे पवन स्प्यास्टिक हेमोप्लेजियाको शिकार समेत बने जसले गर्दा उनी पूर्ण रुपमा निको हुन नसक्दा उनको दैनिकी ११ बर्षदेखि अत्यन्त पिडादायी अवस्थामा गुर्जिरहेको छ ।
२०४९ सालमा चेतन कार्कीको फिल्म ‘पहिलो’ प्रेमु बाट कलाकारिता जीवन सुरू गरेका मैनालीले दुर्घटना पूर्व किशोर रानाको निर्देशनमा बनेको ‘शिवशक्ति’ मा अभिनय गरेका थिए । पवनले निर्माण गरेको फिल्म 'पिंजडा'बाट अभिनेता निखिल उप्रेतीको उदय भएको थियो ।
पवन मैनालीको बारेमा फिल्मीखबरले लेखेको लेख हेर्न यहाँ क्लिक गर्नुहोस्
'म पवन आज तमासा भएको छु'
