यहि चैत्र ७ गतेबाट नेपालभर एकसाथ प्रदर्शनमा आउन लागेको फिल्म 'फिटकिरी'लाई चैत्र ९ गते अष्ट्रेलियामा रिलिज गरिने भएको छ । एकता फिल्मसलाई फिल्म निर्माण युनिटले फिल्म प्रदर्शनको अधिकार दिएको हो ।
बिहिबार एकता फिल्मससँग फिल्म प्रदर्शनका अनुमतीका लागि निर्माण युनिटको तर्फबाट निर्माता अर्जुन कुमार र सुमित मैनालीले सम्झौता गरे । रकम उल्लेख नगरेपनि निर्माता कुमारले मोटो रकममा अष्ट्रेलिया प्रदर्शनको अधिकार दिएको बताए । यस्तै अप्रिल ६ तारिखमा यो फिल्मलाई हङकङमा पनि रिलिज गरिने निर्माता कुमारले जानकारी गराए । अन्य देशमा पनि रिलिजका लागि कुरा चलिरहेको उनको भनाई छ ।
सौगात मल्ल, निश्चल बस्नेत र दिया मास्के लिड रोलमा प्रस्तुत भएको फिटकिरीले काठमाण्डौमा हुने समुहगत फाईट र त्यस्को अनुसन्धानको कथा बोल्नेछ । थिएटरमा जमेका अनुप बरालले निर्देशन गरेको यो फिल्ममा पुरुषोत्तम प्रधानको छायाँकन छ ।
