कमेडी फिल्म ‘छ एकान छ’ले नेपालसँगै विदेशी बजारमा पनि उधुम मच्याइरहेको छ । जम्बो कमेडी स्टार अभिनित यस फिल्मले केही साता अघि अमेरिकामा सम्पन्न शोको अधिकांश टिकेट ‘सोल्ड आउट’ भएको बताईएको छ ।
अष्ट्रेलियामा पनि ‘छ एकान छ’को शो अमेरिकामा जस्तै गरी हाउसफुल भएको जानकारी प्राप्त छ । प्राप्त जानकारी अनुसार यस फिल्मले अष्ट्रेलियाको शोहरुबाट झन्डै बीस लाख रुपैयाँ कमाउने देखिएको छ । दर्शकको माग बढेपछि आयोजकले पाँच शोलाई बढाएर नौ शोमा पुर्याएको बताईएको छ । ‘छ एकान छ’ हाल सिड्नीसँगै अष्ट्रेलियाको सातवटै प्रमुख शहरहरुमा प्रदर्शन भैरहेको छ ।
निर्मातात्रय दिपकराज गिरी, दिपाश्री निरौला र निर्मल शर्मासँग एजुकेशन पार्क र प्यासिफिक हिमालयन मनी ट्रान्सरफरले ‘छ एकान छ’लाई १० लाख पचास हजार तिरेर अष्ट्रेलियाभर प्रदर्शनको अनुमती लिएको थियो । शोबाट फिल्म खरिद गर्ने दुई कम्पनीलाई झन्डै दोब्बर फाइदा पुग्ने देखिएको छ । ‘लुट’ पछि विदेशमा रहेका नेपाली दर्शक ‘छ एकान छ’ हेर्न उर्लिएका छन् । नेपालसँगै विदेशमा फिल्मले बम्परको व्यापार गरेपछि निर्माण युनिट माझ यतिबेला खुसीयाली छाएको छ ।
