स्वर्गिय शिव रेग्मीले निर्देशन गरेर रिलिज हुन बाँकी रहेको अन्तिम फिल्म 'मनले मनलाई छुन्छ'को प्रेमले ओतप्रोत गीत सार्वजनिक गरिएको छ । फिल्मीखबरमार्फत सार्वजनिक गरिएको 'छुँदैमा चिनियो' बोलको गीतमा गरिमा पन्त र बिरेन श्रेष्ठले आफ्नो मायाको भाव पोखेका छन् ।
बसन्त सापकोटाको संगीत रहेको यो गीतका रचनाकार स्वर्गिग निर्देशक रेग्मी नै हुन् । प्रस्तुत भिडियोका करियोग्राफर हिमग्याप टासी हुन् । अभिनेता विरेन श्रेष्ठ र गरिमा पन्तको मुख्य भूमिका रहेको यो फिल्म नेपाली नयाँ बर्षको अवसर पार्दै चैत २८ गते प्रदर्शन हँदैछ । फिल्ममा अभिनेता श्रेष्ठ र सुनिल सिटौलाको संयुक्त लगानी छ ।
‘मनले मनलाई छुन्छ’ त्रिकोणात्मक प्रेमकथाको पारिवारिक फिल्म हो । मिराकल मिडिया प्रालीको प्रस्तुती रहेको फिल्ममा विरेन र गरिमाको साथमा सुमन सिंह, मिथीला शर्मा, केशव भट्टराई, सिर्जना बस्नेत लगायतका कलाकारको भूमिका छ । स्व.निर्देशक रेग्मी र मौनता श्रेष्ठको पटकथा एवम् संवाद रहेको फिल्ममा हिमाल केसीको द्धन्द्ध निर्देशन छ । फिल्मका छायाँकार शम्भू सापकोटा हुन् ।
