'मेरो एउटा साथी छ' पश्चात अभिनेता आर्यन सिग्देल र अभिनेत्री नम्रता श्रेष्ठ अनस्क्रिन जोडीको रूपमा दोस्रो पटक फिल्म 'नोभेम्बर रेन'मा देखिदै छन् । 'मेरो एउटा साथी छ'मा निकै रूचाईएको यो जोडीले अभिनय गरेको फिल्म 'नोभेम्बर रेन'को गीत रिलिज गरिएको छ ।
म्युजिक भिडियोमा आफ्नो कुशल निर्देशकिय क्षमता प्रस्तुत गरेका आलोक नेम्वाङले करियोग्राफी गरेको 'कस्तो मिठो' बोलको प्रस्तुत गीतमा तारा प्रकाश लिम्बुको संगीत, फिल्मका निर्देशक दिनेश राउतको शब्द तथा सनुप पौडेल र प्रविशा अधिकारीको स्वर रहेको छ ।
अभिनेता सिग्देल र सुवास गिरीले मिलेर निर्माण गरेको त्रिकोणात्मक प्रेमकथानक फिल्म 'नोभेम्बर रेन'मा आर्यन र नम्रताको साथमा छुल्ठिम गुरूङको अभिनय छ । राजेश श्रेष्ठले खिचेको यो फिल्मलाई छेतन गुरूङले लेखेका हुन् ।
