मानिसमा असल र खराब दुबै पक्ष हुन्छन् । तर, मानिस आफ्ना खराब भन्दा असल पक्ष सुन्न बढी रुचाउँछ । साप्ताहिक पत्रिकाले अभिनेता दिलिप रायमाझीको असल र खराब पक्ष प्रकाशन गरेको छ ।
अभिनेता सुशिल क्षेत्रीले दिलिपको असल र खराब पक्ष छुट्याएका छन् । कुशल मनोरञ्जनकर्ता, असल व्यक्ति, गज्जबका नर्तक, पारिवारिक, हँसिलो भन्दै दिलिपको सुशिलले प्रशंसा गरेका छन् । दिलिपका खराब पक्षका बारेमा सुशिलले भनेका छन्- ‘हुन्छ बहादुर, जसलाई पनि हुन्छ भनिदिन्छ । काम समयमा नसक्दा आलोचना खानुपर्छ ।’
दिलिपका अन्य खराब पक्ष बारे सुशिलले भनेका छन्- ‘भात प्रेमी, अस्तव्यस्त र ऊ प्रशंसा सुन्न सक्तैन । कसैले उसको प्रशंसा गरिदियो भने ऊ धेरै लजाउँछ ।’ सुशिलले सम्पर्क विहिन हुने पनि दिलिपको खराब पक्ष रहेको बताएका छन् ।
