शिवरात्री नआउँदै कलाकार दायाहाङ राई, प्रियंका कार्की र ए.गुरुङले ‘बम बम भोले’ गीत गाएका छन् । डार्क कमेडी फिल्म ‘झोले’ का लागि उनीहरुले उक्त गीत गाएका हुन् । माघे संक्रान्तीको अवसर पारेर ‘झोले’ युनिटले ‘बम बम भोले’ गीत सार्वजनिक गरिएको हो ।
सार्वजनिक गरिएको ‘बम बम भोले’ गीतमा स्वर तथा संगीत अनुपम शर्माको छ भने शब्द अभिनेता दयाहाङकै रहेको छ । उक्त गीतको करियोग्राफी निलु डोल्मा शेर्पाले गरेकी हुन् । फिल्मको अर्को गीत ‘तिमी नै मेरो’ मा हरि लम्सालको संगीत छ । दिपेन्द्र खनाल निर्देशित 'झोले' फिल्म फागुन ९ गतेबाट अल नेपाल प्रदर्शनमा आउँदैछ । पुरुषोत्तम प्रधानको छायाँकन रहेको फिल्मलाई टेकेन खड्काले लगानी गरेका हुन् ।
सार्वजनिक गरिएको ‘झोले’ को दोस्रो ट्रेलर यतिखेर दर्शक माझ हिट भैरहेको छ । यस ट्रेलरले दर्शकलाई हलसम्म तान्ने विश्वास छ । सार्वजनिक गरिएको 'बम बम भोले...' गीतले दर्शकलाई कत्तिको आकर्षण गर्छ ? प्रतिक्षा गर्रौ ।
