फिल्म चल्नु मात्रै पर्छ, नेपाली निर्माताको गफ सुन्न समय नै छुट्याउनु पर्छ । फिल्मको व्यापार भयंकरै भयो भन्न उनीहरु पछि पर्दैनन् । तर, फिल्मको वास्तविक कमाई कति भयो ? यसको हिसाब सार्वजनिक गर्न भने उनीहरु डराउँछन् ।
फिल्मको व्यापार बारे बताउने बक्स अफिस प्रणालीको मुद्धा सर्वोच्च अदालतमा पुगेर थन्किएको छ । फिल्मले कमाएको नाफा बारे किन बोल्दैनन् निर्माता ? नाफाको १५ प्रतिशत सरकारलाई कर स्वरुप बुझाउनु पर्ने हुनाले कुनै पनि निर्माताले फिल्मले कमाएको नाफाको हिसाब सार्वजनिक गर्न चाहदैनन् ।
कर कार्यालयले समाउने डरले फिल्मको वास्तविक नाफा सार्वजनिक गर्न डराउने एक निर्माताले बताए । उनले भने- ‘नाफा कमाउने नेपाली फिल्म न्यून छन् । कमाएको फिल्मका निर्माताले पनि नाफाको हिसाब करले समाउने डरले सार्वजनिक गर्दैनन् ।’
