अभिनेता आर्यन सिग्देल र नव अभिनेत्री शिल्पा पोखरेलको प्रेमकथालाई प्रस्तुत गरिएको फिल्म 'लज्जा'को सुटिङ सकिएको छ । ३८ औं दिनमा आज शनिबार फिल्मको सुटिङ सकिएको निर्माता छबिराज ओझाले जानकारी गराए ।
नवल नेपालले निर्देशन गरेको 'लज्जा' फिल्मलाई काठमाण्डौ आसपासमा नै खिचेर सकिएको निर्माता ओझाको भनाई छ । निर्देशक नेपालकै पटकथा रहेको फिल्म 'लज्जा'मा चेतन सापकोटाको संगीत, चन्द्र पन्तको द्धन्दनिर्देशन र मदन कास्यप घिमिरेको छायाँकन छ ।
सुटिङ गर्नुपूर्व नेपाली नयाँ बर्षको अवसर पारेर चैत्र २८ गते 'लज्जा' रिलिज गर्ने बताएका छबिले अब भने उक्त मितीमा फिल्म रिलिज नगर्ने बुझिएको छ । छबिले नेपाली नयाँ बर्षमा आफ्नो फिल्म रिलिज गर्दै आएका थिए ।
