निकै प्रतिक्षामा रहेको फिल्म 'बितेका पल'ले यतिबेला निर्माण युनिट, कलाकार सहित दर्शकको पनि ढुकढुकी बढाएको छ । निर्मातालाई फिल्मले कस्तो व्यापार गर्ला भन्ने चिन्ता एकातिर होला तर दर्शकलाई फिल्म कस्तो होला भने जिज्ञासाले सताएको हुनुपर्छ ।
दर्शकको बढ्दो ढुकढुकीलाई अझै स्पिड दिन 'बितेका पल' युनिटले फिल्म रिलिजको पूर्व सन्ध्यामा गीत रिलिज गरेको छ । 'स्याड भर्सन'को उक्त गीतमा फिल्ममा अभिनेता अबिनाश गुरूङले आफ्नो मायामा छल भएको भाव व्यक्त गरेका छन् । राजेश घतानीको शब्द तथा बाबु बोगटीको संगीत रहेको प्रस्तुत गीतमा शिव परियारले स्वर दिएका छन् ।
सुरज सुब्बा नाल्बोले निर्देशन गरेको पूर्ण प्रेमकथामा आधारित यो फिल्म यहि पौष २६ गते अर्थात आउँदो शुक्रबार रिलिज हुँदैछ । फिल्ममा केकी अधिकारी, अबिनाश गुरूङ र बाबु बोगटीको अभिनय रहेको छ ।
