गायक प्रमोद खरेलले 'तोरी लाहुरे' फिल्मका लागि गाएको गीतमा सोही फिल्मका अभिनेता रोहित रूम्बाले 'र्याप' गीत गाएका छन् । मंगलबार राजधानीको ड्रिम्स स्टुडियोमा रोहितले 'समाजले भन्छ तोरी लाहुरे' बोलको गीतमा 'र्याप' भरे ।
केहि बर्ष अगाडी 'र्यापर' नै रहेका रोहितलाई अभिनयको भूत चढेपछि उक्त पेशालाई पाखा लगाएका थिए । 'समय परिस्थितीले गर्दा गायन पेशालाई छोडेर अभिनय तिर लागियो,' रोहितले सुनाए- 'मौका मिलेको खण्डमा र्याप पनि भरिहाल्छु ।' गणेश चौधरीको संगीत रहेको गीतमा रोहितकै शब्द रहेको छ ।
फिल्म 'तोरी लाहुरे'मा रोहितसँगै गजित बिष्ट, सुवास थापा, अशिष्मा नकर्मी र समुना केसीको मुख्य भूमिका छ । आगामी फाल्गुन २३ गते रिलिज हुन लागेको यो फिल्मलाई एनबी महर्जनले निर्देशन गरेका हुन् । बेरोजगार युवाहरूको कथा भन्ने यस फिल्मका निर्माता दिल कुमार 'वाले' र रोशफी तामाङ हुन् ।
