सिजापति सिने ब्यानर, पिंक इङ्क प्रोडक्सन र मौरी इन्टरटेनमेन्टको संयुक्त प्रस्तुति रहेको नेपाली फिल्म 'टाटा बाई बाई'को अफिसियल प्रोमो सार्वजनिक भएको छ । अंग्रेजी नयाँ बर्षको छेकोमा प्रोमो सार्वजनिक गरिएको हो ।
सुनिल थापा, झरना बज्राचार्य, दिया मास्के, उषा राजक, प्रशान्त ताम्राकार, मनिष ढुंगेल, शिशिर बांग्देल, ध्रुब भट्टराईलगाएतका कलाकारहरुको अभिनय रहेको यो फिल्म 'इकोलोजिकल थ्रिलर ड्रामा'मा आधारित छ । नरेश देव पन्त, आदेश शाक्य, अनुपम पाठक र रबि बहादुर सिजापतिको निर्माण रहेको यो फिल्मको छायाँकन दिब्य सुबेदी र सुमन तन्डुकारले गरेका हुन् । फिल्मलाई उदय सिजापतिले निर्देशन गरेका हुन् ।
