नेपाली फिल्म किन चल्दैनन् ? बहसको विषय भैरहंदा अभिनेता राजेश हमालले भने नेपाली फिल्म नचल्नुको कारण खोतल्ने प्रयास गरेका छन् ।
साँस्कृतिक कार्यक्रमका लागी खाडी मुलुक कतार पुगेका अभिनेता हमालले नेपाली फिल्म नचल्नुको कारण खोतल्दै एक राष्ट्रिय दैनिकसँग भनेका छन्- 'ठुलो जमात विदेश बस्दा फिल्म हेर्ने दर्शकको अभाव खड्किन्छ । '
राजेशले फिल्मको गुणस्तर बलियो हुनुपर्नेमा जोड दिएका छन् । विगतमा आफ्नो छबिलाई ठोस रूपमा स्थापित गरेका हमालले परिवर्तित समयमा भने फिल्मकर्मीले ठोस छबि बनाउन नसकेको बताएका छन् ।
नेपाली फिल्मको ५० बर्षे इतिहासमा २५ बर्ष गुजारेका हमालले सिमित दर्शकलाई लक्षित गरेर फिल्मलाई निर्माण गर्ने पद्धतीमा भने असहमती जनाएका छन् । कोर्ट मार्सल स्टेज नाटकमा व्यस्त रहेका हमालले प्रेमिका मधु भट्टराइलाई भने जाडोको स्विटर प्याक नहुँदै भित्र्याउने बताउँदै आएका छन् ।
