फिल्मलाई निर्देशकको बौद्धिक सम्पत्ती मान्ने कि नमान्ने ? बहसको विषय भैरहंदा नेपाल चलचित्र निर्देशक समाजले भने फिल्मलाई निर्देशकको बौद्धिक सम्पत्तीको कानुनी मान्यता दिनुपर्ने विषयक एक दिने गोष्ठी आयोजना गर्ने भएको छ ।
गोष्ठी त्रिपुरेश्वरस्थित वर्ल्ड ट्रेड सेन्टरमा पौष ४ गते बिहान ९ बजेदेखि सुरु हुनेछ । गोष्ठीमा निर्देशक समाज, चलचित्र विकास वोर्ड र नेपाल प्रतिलिपी अधिकार रजिष्टार्ड कार्यालयका प्रतिनिधिले कार्यपत्र समेत प्रस्तुत गर्नेछन् ।
गोष्ठीमा झन्डै डेढ सय फिल्मसँग सम्बन्धित व्यक्तित्वले प्रस्तुत कार्यपत्रमा माथि छलफल गर्ने जानकारी छ । एक दिने गोष्ठीले फिल्मलाई निर्देशकको बौद्धिक सम्पत्तीको रुपमा कानुनमा उल्लेख गर्न सहयोग होला ?
