फिचर फिल्म 'कागबेनी' डेव्यु अभिनेत्री दिया मास्के कति वर्ष भइन् होला ? महिला कलाकारले आफ्नो वर्ष खासै खोल्न चाहंदैनन् । जति नै वर्ष भएपनि 'सुनगाभा' गर्ल दिया मास्केले आफु भर्खर तरूनी भएको बताएकी छिन् ।
साप्ताहिक पत्रिकासँको अन्र्तवार्तामा दियाले भनेकी छिन्- 'म भर्खर तरूनी भएँ ।' आफ्नो उमेरलाई लिएर भन्दा पनि दियाले फिल्ममा निभाएको भूमिकालाई लिएर आफु भर्खर तरूनी भएको प्रतिक्रिया दिएकी हुन् । फिल्म 'फिटकिरी'मा आफ्नो वोल्ड र मोर्डन गर्लको भूमिका रहेको उल्लेख गर्दै दियाले आफु भर्खर तरुनी भएको बताईन् । अनुप बराल निर्देशित 'फिटकिरी' हाल पोष्ट प्रोडक्सनको क्रममा छ ।
टेलिफिल्म 'दलन' र फिल्म 'साँघुरो'मा दिया बुहारीको भूमिकामा प्रस्तुत भएकी थिइन् । आफ्नो १५ प्रतिशत कलालाई मात्रै दर्शकले हेर्न पाएको दियाको भनाइ छ । अन्र्तवार्तामा दियाले आफुलाई नायिका भनेको मन नपर्ने समेत खुलाएकी छिन् । दियाले भनेकी छिन्- 'कलाकारको शब्दले अलि फराकिलो अर्थ राख्छ । नायिकाहरु ग्ल्यामरस हुन्छन्, उनीहरुमा तडकभडक हुन्छ, कलाकारमा सबथोक हुन्छ ।' कुराकानीमा दियाले आफु प्रेममा परेपनि विवाहको लगनगाँठो कस्ने जिम्मा भने परिवारलाई नै दिएकी छिन् ।
