डिभोर्स नै भएपनि अभिनेत्री रेखा थापा र निर्माता छवि ओझाको व्यावसायिक सम्बन्ध कायम नै थियो । डिभोर्सपछि पनि छविले फिल्म 'हमेशा'मा रेखालाई खेलाए । रेखाले निर्माण गरेको 'काली' फिल्मको कार्यकारी निर्माताको नाम समेत छवि ओझा लेखिएको थियो । 'काली'को हल व्यवस्थापनको जिम्मा समेत छविले लिएका थिए ।
रेखा थापा चुनाव लड्ने भन्ने चर्चा चुलिएको बेला निर्माता छविको नमस्ते नेपाल कार्यालयमा एमाओवादीका कार्यकर्ताको भिड राम्रै लाग्ने गर्दथ्यो । 'काली' फिल्म सुपरहिट भएपछि पूर्व पती ओझालाई अभिनेत्री थापाले आफुले चढ्दै आएको कार नै उपहार दिएकी थिइन् । नमस्ते नेपालमा यो जोडीको भेटघाट डिभोर्स नै बिर्साउने गरी हुने गर्दथ्यो ।
मंसिर २१ ग्ते प्रदर्शन हुने छविको फिल्म 'लोफर'को प्रचारमा समेत सहभागी हुने रेखाले आश्वसन दिएकी थिइन् । पूर्व पत्नीको यस्तो आश्वसनबाट छवि मख्ख थिए । तर, अहिले परिस्थिति उल्टिएको छ ।
'लोफर' रिलिजको संघारमा रेखा काली प्रदर्शन गर्ने भन्दै हङकङ हानिएकी छिन । यता छवि फिल्मको प्रचारमा पसिना बगाउँदै छन् । यी पूर्व दम्पतीको सम्बन्धमा कसरी एकाएक फाटो आयो त ?
सुन्नमा आए अनुसार छविकी नयाँ हिरोइन शिल्पा पोखरेल रेखा छविको दुश्मनीको कारण बनेकी छिन् रे ! आफुले उपहार दिएको कारमा शिल्पालाई सवार गराएपछि रेखा छविप्रति आगो भएकी हुन् । अब छोडी सकेको छविलाई शिल्पासँग देख्दा रेखा किन आगो हुनु ? भित्री कुरो के हो ? रेखा छवि नै जानुन् ।
