आगामी माघ १७ गते रिलिज हुन लागेको फिल्म 'प्रोड्यूसर'को आईटम गीत रिलिज गरिएको छ । 'मेरो मस्त जवानी' बोलको गीतमा अभिनेत्री स्वेता भट्टराई र अभिनेता श्याम अर्याल देखिएका छन् ।
सितल मोक्तान र बाबु बोगटीको स्वर रहेको प्रस्तुत गीतको शब्द फिल्मकै निर्देशक जनकदीप पराजुलीले लेखेका हुन् भने संगीत राहुल प्रधानको रहेको छ । उक्त गीतको भिडियोका करियोग्राफर साईमन राजवंशी हुन् ।
मुख्यत: चार जना युवाहरू (निर्देशक, निर्माता, नायक र प्रोडक्सन म्यानेजर)ले फिल्ममा गर्नुपरेको संघर्षलाई मुख्य कथानक बनाईएको यस फिल्मलाई ज्योतीराज राईले निर्माण गरेका हुन् । बाबु बोगटी, श्याम अर्याल, विल्सन विक्रम राई, श्वेता भट्टराई, श्याम राई र पायल रायमाझीको अभिनय रहेको यो फिल्ममा सागर प्रधानको छायांकन रहेको छ ।
