आगामी पौष २६ गते रिलिज हुन लागेको फिल्म '६ एकान ६'को शिर्ष गीतको भिडियो रिलिज गरिएको छ । बरिष्ठ हाँस्य कलाकार हरिबंश आचार्यको स्वर रहेको उक्त गीतमा फिल्मका ७ मुख्य पात्र सहित हरिबंश र दीपाश्री निरौलालाई पनि फिचरिङ गरिएको छ ।
निर्मल शर्मा गैंडा र दीपकराज गिरीको निर्माणमा दिनेश डिसीले निर्देशन गरेको कमेडी फिल्म '६ एकान ६'को प्रस्तुत सार्वजनिक गीत प्रोमोशनका लागि तयार पारिएको हो । गीतमा निता ढुंगानाको साथमा ६ जना हाँस्य कलाकारहरू दीपकराज गिरी, शिवहरि पौडेल, जितु नेपाल, सिताराम कट्टेल, केदार घिमिरे र सन्दीप क्षेत्री मुख्य पात्रको रूपमा देखिएका छन् । यि बाहेक फिल्ममा राजबल्लभ कोईरालाको पनि अभिनय हेर्न सकिन्छ ।
दीपकराज गिरीको कथा संवाद रहेको फिल्मको पटकथा जगदीश्वर थापाले तयार गरेका हुन् भने पुरुषोत्तम प्रधानको छायांकन र शम्भुजित बास्कोटाको संगीत रहेको छ । प्रस्तुत गीतमा हरिबंश सहित किरण केसी र दिनेश डिसीको पनि स्वर सुन्न सकिन्छ ।
