नेपाल चलचित्र जाँचपास समितीले छबिराज ओझाले निर्माण गरेको फिल्म 'लोफर'लाई सबै वर्गका दर्शकले हेर्न मिल्नेगरी 'युनिभर्सल सर्टिफिकेट' दिएको छ । निर्माता ओझाले 'यू' सर्टिफिकेट पाएको फिल्मलाई सिङ्गल सहित पहिलो पटक 'आफ्नो व्यानरको फिल्म मल्टिप्लेक्स हलमा रिलिज गर्दैछन् ।
एक्सन, लभ, रोमान्स, कमेडी सहितको सुधारिएको मसलेदार फर्मुला फिल्म 'लोफर'लाई डेब्यू गर्दै आदित्य विक्रम लम्सालले निर्देशन गरेका हुन् । आर्यन सिग्देल, दयाहाङ राई, कमलमणी नेपाल, सुशिलराज पाण्डे, अनुपम शर्मा, सागर लम्साल 'क्षेत्री', रजनी केसी लगायतका कलाकारको अभिनय रहेको यो फिल्ममा सोनाल सापकोटा र आदित्य विक्रमले संगीत भरेका छन् । फिल्ममा मदन कास्यप घिमिरेको छायाँकन, चन्द्र पन्तको द्धन्दनिर्देशन तथा कविराज गहतराजको करियोग्राफी रहेको छ ।
