फिल्म प्रदर्शन गर्न नसकेपनि `निर्दोश` नामक फिल्मको गीत भने रिलिज गरिएको छ । झन्डै २ वर्ष अघि लण्डनमा छायाँकन गरिएको फिल्म `निर्दोश`को 'यो शहर लण्डन...' बोलको गीत सार्वजनिक गरिएको छ ।
`निर्दोश`का हिरो ध्रुब दत्त गीतमा निकै रोमान्टिक देखिन्छन् । उनको गीतले लण्डन घुम्न मन लागेको इच्छा व्यक्त गर्दछ । यस गीतमा राजेश पायल राईको स्वर छ । एल.बि. सुब्बाको निर्माण तथा निर्देशन रहेको यस फिल्ममा अभिनेता दत्तको साथमा सविन श्रेष्ठ, निता पुन, बिपिन सुब्बा लगायतको अभिनय छ ।
माया प्रेमका साथमा एचआईभी एड्ससम्वन्धी कथाबस्तुमा आधारित यस फिल्मलाई पारस रानाले खिचेका हुन् । भर्खरै रिलिज गरिएको 'निर्दोश'को गीतको भिडियो हेर्नुस् ।
